Carousell係一個開放嘅平台，用戶可以選擇最適合自己嘅交易買賣方式。

Carousell團隊非常重視用戶嘅安全，並且盡力保障愉快嘅平台。然而，就如其他網上買賣平台，仍然可能會有意外或其他無法預測嘅狀況出現。

以下係使用Carousell嘅小貼士：

作為買家

作為賣家

作為買家

了解清楚賣家

• 進行交易時，請留意 「驗證徽章」以保護自己 - 當同冇驗證徽章嘅賣家交易時，你必需要更加謹慎。
• 閱讀用戶評論 - 你可以通過訪問賣家個人檔案，查閱賣家收到嘅評論。其他社群成員（包括同你一樣嘅買家）會透過評論分享佢哋與該賣家嘅交易體驗。
• 了解清楚 - 做好了解及準備，閱讀產品描述，提出問題並索取圖片，以確保產品符合你嘅期望。如果你發現你認為不應喺Carousell上出售嘅產品，請隨時向我哋報告，以便我哋需要時進行審查及移除。
• 了解賣家嘅規則 - Carousell 上每個交易被視為你與賣家嘅共識。如果任何賣家有個人規則，例如佢哋接受議價，退款或更換。請確保你於確認交易前向對方查詢清楚。

交易時

• 選擇面交並喺仔細檢查物品狀況後才付款 - 或者選擇可追蹤郵寄。
• 出價以確定交易 - 買家出價後，當賣家亦接受出價，會被視為雙方都確認交易，因為雙方之後都可以交換評價。使用出價系統嘅正確時間為雙方都已經就所有交易細節商量好（如價錢及寄送方法，日期時間）並已經同意。
• 選擇面交咁你可以檢查產品 - 選擇面交咁你就可以檢查產品，並可以於付款畀賣家前確保產品符合預期，例如產品狀態及大小。同時與有類似興趣嘅人見面亦係一個有趣嘅經歷！
• 要求有追蹤嘅郵寄方法 - 有追蹤嘅郵寄方法可以確保你嘅包裹位置。如包裹不幸遺失，亦可以向貨運公司申請賠償。因此，如果你購買高價值嘅產品時，唔建議抱僥倖嘅心態，使用其他無保障的服務。
• 盡量選擇喺光線充足嘅公共場所面交 - 同有類似興趣嘅人見面係一個有趣嘅經歷，但請始終記住，面交就好比與陌生人見面，因此請注意安全並盡可能帶上朋友，及避免隨身攜帶大量現金！
• 進行銀行轉賬及郵寄時，請使用你熟悉嘅付款方式 - 只使用你信任嘅付款方式。避免使用沒有安全接收方嘅轉賬服務，例如西聯匯款。

一般提示

• 將所有交易保留於平台內 - 以便需要時，Carousell能夠根據相關記錄進行調查及解決爭議。
• 對你嘅個人銀行詳情保密 - 你嘅信用卡/提款卡上嘅16位數字、CVV、PIN、OTP、網上銀行密碼等信息應該係保密，不應向他方透露。
• 運用common sense - 用你嘅直覺及邏輯去評估每筆交易嘅安全性。太便宜、太吸引嘅價錢通常都有原因。做足準備，如果唔確定，請提出問題，甚至要求提供更多產品照片以幫助你決定。

作為賣家

了解清楚買家

• 進行交易時，請留意 「驗證徽章」以保護自己 - 當同冇驗證徽章嘅賣家交易時，你必需要更加謹慎。
• 閱讀用戶評論 - 你可以通過訪問買家個人檔案查閱買家收到嘅評論。其他社群成員（包括同你一樣嘅賣家）會透過評論分享佢哋與該買家嘅交易體驗。

交易時

• 明確列出你嘅交易規則 - 請記得喺同買家確認交易前，明確表示交易同寄送產品嘅方式，如果你有任何關於退換貨等規定，記得彼此達成共識後再進行交易，以免造成不必要嘅誤會。
• 使用出價系統 - 買家可以替賣家留下「評價」。只有喺買家出價，並且賣家接受後，買賣雙方先可以幫對方留下評價。建議買賣時，最好於達成及同意所有交易共識（如寄送方法，日期及時間）後出價。
• 盡量先收款，後寄出 - 喺你寄送物品之前，請務必確保已經成功收到付款。即使買家向你提供資金轉帳證據，最好都係親自檢查你嘅銀行交易記錄，以確保的確收到款項。勿僅僅依賴短訊或電郵通知。
• 選擇面交以安全地交付你嘅物品 - 喺不可預知嘅情況下，包裹可能會喺寄送過程中損壞，到達時嘅狀態同你寄出時不相同。透過選擇面交，你可以確保物品完好無缺地送到買家手中。同有類似興趣嘅人見面亦係一個有趣嘅經歷！
• 建議使用可追蹤郵寄 - 可追蹤郵寄服務可以保證有關包裹位置，大多由送貨公司投保，以防萬一丟失。切勿冒險，尤其係售賣昂貴物品！
• 盡量選擇喺光線充足嘅公共場所面交 - 同有類似興趣嘅人見面係一個有趣嘅經歷，但請始終記住，面交就好比與陌生人見面，因此請注意安全並盡可能帶上朋友！
• 進行銀行轉賬及郵寄時，請使用你熟悉嘅付款方式 - 只使用你信任嘅付款方式。避免使用沒有安全接收方嘅轉賬服務，例如西聯匯款。

一般提示

• 將所有交易保留於平台內 - 以便需要時，Carousell能夠根據相關記錄進行調查及解決爭議。
• 對你嘅個人銀行詳情保密 - 你嘅信用卡/提款卡上嘅16位數字、CVV、PIN、OTP、網上銀行密碼等信息應該係保密，不應向他方透露。

如果你需要更多協助，歡迎同我哋對話！我哋星期一至星期日 10AM至9PM 提供即時對話（支援香港/馬來西亞/菲律賓/新加坡/台灣用戶）。點選頁面右下角嘅「即時對話」按鈕，即可同我哋開始對話。或者你亦可以向我哋提交表格，我哋都會提供協助！