買家指引：常見詐騙手法 – 香港旋轉拍賣幫助中心

Carousell團隊非常重視用戶嘅安全，並且盡力保障愉快嘅平台。然而，就如其他網上買賣平台，仍然可能會有意外或其他無法預測嘅狀況出現。

我哋想確保你喺Carousell上有最好嘅買物體驗，以下係一啲買家需留意嘅常見詐騙手法！

已付款但無收到物品

小心賣家會喺收到你嘅款項之後失蹤。你應該避免預先付款，並透過「買家保障」（適用於新加坡、馬來西亞同香港）以保障你嘅款項。或者，你可以考慮選擇當面交收，喺收到同徹底檢查產品之後先再付款。

有時賣家送嚟嘅產品，可能同產品描述唔一樣，例如尺寸、顏色、型號、版本唔同，或者唔齊件或有零件缺漏，或者損壞，或者有一個或多個未披露嘅瑕疵。你應該透過「買家保障」保護你嘅交易，當中涵蓋了冇收到產品以及產品與描述嚴重不符嘅情況。或者，選擇當面交收，喺仔細檢查產品嘅狀況之後先再付款。

👉 請緊記：交收時務必仔細檢查產品，確保產品同私訊時講好嘅內容相符。

電子產品：請喺私訊中同交收時核實收據、序號或型號詳情（可以上網搜尋以確認真偽）。

名牌手袋：要求提供真品卡、收據或證書，並確認所有資料齊全。

❗如果個價錢平到唔合理，咁好大機會係有問題 ❗

家電：要求提供示範影片，並喺安全嘅地方交收進行即場測試。

活動門票同現金券：購買前請查看主辦方嘅條款同條件，因為有啲可能唔接受轉售，並且可能會被拒絕入場。

購買活動門票及禮券時要格外小心。購買轉售門票或禮券時，請確保其背面印有條款及細則。某啲門票及禮券可能唔允許轉售，使用時可能會被供應商拒絕。

騙徒有時會以低得難以置信嘅價錢提供高品質或名牌商品。不幸嘅係，呢啲產品價錢如此吸引，正正因為佢哋係假冒，或山寨複製品。要仔細檢查，請考慮要求賣家提供購買證明以確保產品來源——例如：產品嘅收據及標籤。一般以言，如果價錢低得令人難以置信，佢可能就有問題。

支付訂金時務必格外小心。有啲賣家可能會喺收到款項後就消失，所以喺落單之前，務必先做好功課：查看評論，並參考其他買家嘅經驗。

購買時請務必謹慎，因為有啲遊戲唔允許玩家之間轉移虛擬物品。另外，請避免同其他人分享你嘅帳號資料，因為咁樣可能會危及你嘅帳號安全。

根據我哋嘅產品上載守則，賣家唔可以將交易轉移至平台外。如果賣家分享連結或要求你喺Carousell平台外聯絡佢哋，請務必格外小心，呢個可能係騙局。為咗方便，一啲賣家會喺產品詳情頁面啟用WhatsApp按鈕，所以佢哋唔需要喺私訊中透過連結分享聯絡方式。