網絡釣魚防範措施：點樣識別可疑嘅網址連結、電郵、訊息、二維碼等等
點樣知道網站係咪嚟自Carousell？
所有Carousell嘅官方網站都會用以下其中一個結尾：carousell.com、carousell.sg、carousell.com.hk、id.carousell.com、carousell.com.my、carousell.ph、tw.carousell.com、carousell.app.link、carousellluxury.com。請檢查網址欄位，並確保網址係用上述其中一個結尾。
其他網址都可能包含 "carousell" 字眼，但並唔代表一定真係嚟自Carousell，所以千祈唔好上當！釣魚網站可能會使用包含或類似 "carousell" 字眼在內嘅網址，例如：carouseli.com、carouse11.com、caruosell.com、hkcaroucell.com、carousull-tw.com等等，呢啲都唔係嚟自官方嘅網站！
如果你收到嚟自 "Carousell／旋轉拍賣" 嘅網址，並連結到其他第三方外部網站，繼而要求你轉帳資金或者提供個人電郵、密碼、信用卡等任何個人資料，咁樣好有可能並唔係嚟自我哋！
點樣知道電郵係咪嚟自Carousell？
Carousell嘅電郵都會嚟自域名 @carousell.com／@thecarousell.com。小心檢查寄件人嘅電郵地址，並確保冇任何拼寫錯誤。
點樣知道訊息係咪嚟自Carousell？
收到聲稱嚟自 "Carousell" 嘅訊息，要小心分辨係咪冒充 "Carousell" 嘅名稱，例如，發送人名稱睇上去可能同 "Carouse II" 十分相似：以大寫嘅 "i"、阿拉伯數字 "1"、其他相近嘅字元等等，嚟冒充小寫嘅 "L"。
即使發送人名稱真係顯示為 "Carousell"，都唔一定代表個訊息真係由Carousell發送㗎，因為呢個有可能係「偽裝訊息」(SMS Spoofing)。騙徒或會以某種手段，令其發出嘅訊息能夠顯示喺真實Carousell嘅發送人名稱之下，以圖增加真實性，以假亂真（如下圖所示）！切記，Carousell係絕對唔會以訊息形式向用戶發送任何連結！
點樣知道二維碼係咪嚟自Carousell？
Carousell係絕對唔會提供二維碼嚟處理交易付款／收款。如果有買家向你展示二維碼、並要求你掃描該二維碼嚟收取交易款項（如下圖所示），咁樣好有可能係騙案，千祈唔好上當！
再次提提大家：
請緊記，除咗Carousell網站 (http://carousell.com/) 、幫助中心 (https://support.carousell.com/hc) 嘅連結，我哋唔會引導用戶去到其他第三方外部網站並要求填寫以下資料：
- 電郵地址
- 密碼
- 電話
- 信用卡或扣賬卡資料
如果訊息、電郵中包含無法辨識嘅連結，請勿點擊或開啟。如果已經開啟，切勿喺該網站提供任何個人資料。
Carousell絕對唔會透過第三方供應商或網站要求用戶轉賬付款。同時，目前Carousell喺香港嘅所有交易付款流程都係由買賣雙方自行協商決定嘅。
如果我已經點擊咗連結同提供個人資料，應該點做？
-
更改Carousell帳號密碼並加強密碼嘅強度同獨特性
-
更改所有其他使用相同電郵同密碼組合嘅網站帳號
-
如果已經提供付款資訊，請聯絡你嘅金融機構避免被盜用
- 如果你檢查帳單並發現可疑或異常交易，我哋強烈建議你立即聯絡金融機構
-
將你收到包含寄件人電郵或包含連結嘅私訊截圖提供畀我哋，透過留言或者提交表格聯絡我哋官方客服。
如果你Carousell帳號內嘅電郵地址或其他資訊，喺未經你同意下被他人更改，請聯絡我哋官方客服。
點樣保護帳號安全？
收到要求提供個人資料嘅訊息、電郵時，請格外小心：
- 唔好回覆要求你提供密碼、信用卡／扣賬卡或任何個人資料嘅訊息、電郵等等
- 唔好點擊聲稱嚟自Carousell嘅可疑網址連結，仔細檢查網址欄位
- 確認寄件人嘅名稱同電郵地址，檢查係咪合理正當同埋有冇拼寫錯誤
點樣檢舉可疑用戶／詐騙者?
向Carousell檢舉：
如果你發現任何可疑用戶或不尋常交易，切勿繼續同該名用戶接觸。
請通過手機應用程式或網站上的「檢舉用戶」功能向我們檢舉，團隊將喺24小時內作出調查。
向警方報案：
如果你係騙局嘅受害人，我們亦鼓勵用戶向警方報案同提供詐騙者用戶名稱（例如 @xxx），以確保案件可以準確定位到犯罪嫌疑人身上。
如果你需要更多協助，歡迎留言畀我哋！聊天機器人由星期一至星期日為你服務，適用於香港、馬來西亞、菲律賓、新加坡同台灣嘅用戶。點選頁面右下角嘅「留言」按鈕，就可以開始向我哋傳送訊息。或者你亦可以向我哋提交表格，我哋都會提供協助！