帳號安全貼士

收到一封聲稱嚟自 "Carousell" 嘅電郵，並將你連接到第三方網站，繼而要求你提供電郵地址、密碼或任何其他個人訊息？擔心你嘅帳號可能被不良使用者盜用？

以下係幾個確保你帳號安全嘅貼士

1. 設置獨特並安全性強嘅密碼。避免喺唔同平台上使用相同嘅密碼。
2. 提防電郵或訊息中嘅虛假連結，尤其係望落好似嚟自 "Carousell" 嘅連結。如果電郵連接到你唔認識嘅 URL，請勿點擊。如果你已經點擊，請勿喺打開咗嘅網站上輸入任何個人資料。以下係點樣識別呢類騙局嘅一啲貼士：
   • Carousell絕對唔會透過第三方網站要求你提供密碼或OTP（一次性密碼）。
   • Carousell傳送嘅電郵，只會嚟自@carousell.com／@thecarousell.com。檢查寄件人嘅電郵地址，並確保冇拼寫錯誤。
   • 除咗喺我哋網站 (http://carousell.com/) 或我哋嘅幫助中心 (https://support.carousell.com/) 搵到嘅連結，我哋絕對唔會引導你到其他第三方網站並要求輸入你嘅電郵、密碼、信用卡或提款卡號碼、手機號碼等資料。
   • Carousell絕對唔會通過第三方供應商或網站要求你轉賬付款。如有疑問，請聯絡官方客服團隊，以確認連結／電郵係咪真係嚟自Carousell！
     
3. 相信你嘅直覺，唔好冒險。提防聽落緊急或者嚴肅嘅電郵及訊息。當你收到要求提供個人資歷嘅網址連結、電郵、訊息、二維碼等等時，要格外小心。

如果我已經點擊咗連結或提供咗個人資料，點算好？

1. 更改Carousell帳號密碼並加強密碼嘅強度同獨特性

2. 更改所有其他使用相同電郵同密碼組合嘅網站帳號

3. 如果已經提供付款資訊，請聯絡你嘅金融機構避免被盜用

   • 如果你檢查帳單並發現可疑或異常交易，我哋強烈建議你立即聯絡金融機構

4. 將你收到包含寄件人電郵或包含連結嘅私訊截圖提供畀我哋，透過留言或者提交表格聯絡我哋官方客服。

如果你Carousell帳號內嘅電郵地址或其他資訊，喺未經你同意下被他人更改，請聯絡我哋官方客服。