何謂重複上載產品？
重複刊登產品係指刊登咗多項相同嘅產品/服務，或是兩項刊登咗嘅產品之間無明顯差別。
如果你有相似嘅產品，請確保喺上載時，顯示出兩者嘅差別，例如：標題、產品描述、價格、照片、或者其他關於呢項產品嘅細節描述。
即使用唔同嘅圖片，如果產品有極為相似嘅標題、描述、產品描述，都會被認為係重複上載！
重複上載會令買家難以搜尋到想要嘅產品，亦會導致平台嘅產品變得雜亂。請只上載產品一次，令所有用戶都可以有美好嘅購物體驗！
重複上載例子：
- 喺相同或不同帳號中，上載相同嘅產品
- 刪除並重新上載相同嘅產品
- 重複刊登同一項產品，只更改產品大小、顏色
- 在不同的類別／同一國家內不同城市，重複刊登同一項產品
- 工作、服務、旅遊、 補習諮詢類別，只有用相同標題或相同封面會被認為是重複上載。
- 於樓宇分類中：同一帳戶刊登同一大樓的相同金額、相同房間數、樓層數嘅房屋，視為重複刊登。
刊登上載產品違反咗我哋嘅產品上載守則 － 多次違反嘅用戶，產品會被強制下架，嚴重將會導致帳號權限受到限制。
如果我希望盡快售出產品，所以需要增加產品曝光率？
如果你要盡快售出產品，可以試吓旋轉拍賣「 泵」功能，將你嘅產品於搜尋排序往前調，令更多人見到你嘅產品！
如果我有唔只一件相同嘅產品，可以重複上載嗎？
如果你要售賣大量相同產品，則不應該上載兩次。你可以喺同一產品中，多次接受出價，而無需將產品狀態標記為已出售或保留。點擊呢度以了解更多。
如果產品有不同嘅顏色和尺寸，我可以分開刊登嗎？
如果係二手產品，或是有明顯不同嘅產品（例如：瑕疵程度不同、版型不同）可以分開上載！
但如果你嘅產品是全新及型號相同，請將佢哋放喺在同一個產品上，你可以放上唔同顏色嘅圖片，並在描述的位置，打上全部尺寸。
我唔小心將產品標記為已出售，但我想繼續出售，可以重新上載嗎？
如果你想刊登近期出售嘅產品，系統將提示您可直接將已出售嘅產品重新標記則可以重新上架。
我唔小心刪除了一項產品，但我想繼續出售，需要重新上載一次嗎？
如果您想要復原已刪除嘅產品，旋轉拍賣非常樂意幫忙恢復佢！請聯繫我們
如果我重新刊登咗一項之前上架過嘅產品，但有更改描述/價格，會被認為係重複上載嗎？
如果刊登同一項產品2次（或以上），就會被認為是重複上載，會被強制下架。嚴重將會導致帳號權限受到限制。