Carousell 社群守則 – 香港旋轉拍賣幫助中心

當我哋持續用更多有意義嘅事情充實生活時，請記得我哋每個人都可以令每一次互動更加愉快。下列社群守則係俾所有用戶瞭解Carousell嘅社群規定。（如果你使用Carousell，我哋將當作你同意社群守則及服務條款。）

為咗營造良好嘅社群，你應該：

我哋重視每一位用戶嘅感受，希望你都係，因此請維持基本禮貌同互相尊重。

喺刊登產品前不妨諗諗，點樣可以令自己嘅產品喺用戶瀏覽時更有吸引力呢？根據我哋嘅數據，精美嘅封面相片能吸引更多嘅瀏覽量。你亦可以分享更多產品細節，例如背後故事、售賣原因、又或者你希望下一位主人係點樣嘅人。我哋希望買賣雙方互相連結，為彼此生活增添有意義嘅經歷，呢個就係所謂嘅30秒魔法！

交換評價係互惠雙方嘅事。大方稱讚對你好嘅用戶同感謝佢哋嘅付出，或善意提醒對方下次可改善嘅地方。評價機制能幫助其他用戶（以及自己）更瞭解彼此，進而幫助整個Carousell社群。

將心比心，你希望其他人點樣對待自己，就同樣咁對待其他人。例如：如果雙方已經傾好交易細節，任何一方都唔應該因為其他理由（例如搵到另一個更划算嘅交易）而取消交易，呢類不負責任嘅行為係嚴格禁止。

Carousell係一個為產品搵新主人嘅地方，當討論交易細節時，希望你能記得呢個目標，多啲付出或者做一啲讓步都無傷大雅嘅。

當面交時，請務必選擇對雙方都方便嘅公共場所，例如商場等。請記得檢查產品係咪符合描述以及有冇任何瑕疵，並即刻當面提出任何疑問。當使用其他寄貨方式時，我哋強烈建議用可追蹤包裹嘅郵寄方式。點擊呢度查看安全買賣小貼士！

請避免將交易導向到其他通訊軟體及平台，我哋一齊將買賣變得簡單及輕鬆。

請勿提出會令其他人感到唔舒服嘅要求或言論。暗示性嘅要求或言論、發送不當相片、要求試穿暴露衣物嘅相片等行為都係不被允許嘅。

嚴禁使用粗口等粗魯語言辱罵他人，情況嚴重嘅將可能面臨永久停權。

嚴禁喺私訊中或產品留言處大量留下垃圾罐頭訊息係，請直接刊登你嘅產品或服務。

嚴禁造成恐懼、暴力威脅及傷害他人的行為。

己所不欲，勿施於人。放低偏見，歡迎唔同人士，令Carousell社群更加多元化。

你嘅平台體驗對我哋嚟講係非常重要嘅，我哋亦致力改善每個環節。如果有任何問題需要我哋關注，歡迎透過呢度話俾我哋知。

Carousell採取嘅措施將取決於我哋所能獲得嘅資訊。我哋會盡力評估用戶有冇違反社群守則並採取適當行動。希望你諒解，喺保障交易安全嘅同時，我哋亦需保障平台嘅言論自由。如果同某位用戶嘅互動令你感到唔舒服，你亦可以使用「封鎖用戶」功能停止互動。