如何封鎖用戶？

如果你遇到其他用戶冒犯/不當嘅語言或行為，我哋建議你可以封鎖該用戶，以防止進一步嘅騷擾。

不過，目前嘅「封鎖」功能只可以防止你遇到騷擾時喺收件匣入面睇到用戶嘅私訊或者收到通知。 

請放心，當你封鎖用戶時，對方並唔會收到被封鎖嘅通知。

App

要封鎖用戶，你可以去到該用戶嘅個人檔案，然後撳右上角嘅「•••」圖示，就會見到封鎖用戶嘅選項。

如果想解除封鎖用戶，只需要去返該用戶嘅個人檔案。如果要咁做，你可以透過位於app嘅主頁或產品分類頁面頂部嘅搜尋框嚟搜尋用戶。輸入你搵緊嘅用戶嘅用戶名稱或者用戶名稱嘅一部分，然後選擇「改為Search用戶」，就會顯示同你嘅搜尋字詞相符嘅用戶清單。當你進入想要解除封鎖嘅用戶嘅個人檔案，撳「•••」圖示，就可以見到解除封鎖嘅選項。

網頁版

要封鎖用戶，你可以透過同想要封鎖嘅用戶嘅私訊頁面嚟封鎖對方。喺私訊頁面嘅右邊，撳「•••」圖示，就會有一個選項畀你去封鎖用戶。

如果想解除封鎖用戶，請去返該用戶嘅個人檔案。如果要咁做，你可以透過位於頁面頂部嘅搜尋框嚟搜尋用戶。輸入你搵緊嘅用戶嘅用戶名稱或者用戶名稱嘅一部分，然後選擇「改為Search用戶」，就會顯示同你嘅搜尋字詞相符嘅用戶清單。當你去到想要解除封鎖嘅用戶嘅個人檔案之後，選擇任何一件已刊登嘅產品嚟同用戶開始私訊。喺該用戶嘅個人檔案嘅右下邊，就可以見到解除封鎖用戶嘅選項。