私訊期間，顯示對方帳號正被審視或限制權限，應該點做呢？
你可能會喺同其他用戶嘅私訊內，見到一個黑色橫額「呢位用戶帳號有消費爭議正被審視」或者「呢位用戶帳號由於有未完成嘅交易，已被限制權限」（如下圖所示）。
咁代表咩呢？
咁樣代表，對方嘅帳號有可能因為一啲交易問題而正在被審查，例如：
- 賣家可能賣出一個產品，但買家不滿意
- 用戶買咗一個產品，但並未付款
我應該點做呢？
我哋強烈建議喺消費爭議解決之後先再繼續你嘅交易。如果你好需要繼續完成呢個交易，我哋強烈建議你使用較為安全嘅交易方式，例如：面交。
如果你有正在進行中嘅交易（例如：已付款畀賣家）但你無法同賣家聯絡，請盡快聯絡我哋。聊天機器人由星期一至星期日為你服務，適用於香港、馬來西亞、菲律賓、新加坡同台灣嘅用戶。點選頁面右下角嘅「留言」按鈕，就可以開始向我哋傳送訊息。或者你亦可以向我哋提交表格，我哋都會提供協助！
一旦用戶解決咗消費爭議，呢個橫額就唔會出現喺你哋嘅私訊之中。
關於更多如何喺旋轉拍賣安心買賣嘅內容，可參考呢度。