點樣用「泵」(Bump) 增加曝光率？

我哋想幫你賣快啲呀！

「泵」會將你嘅產品刊登時間更新為使用「泵」嘅時間，即時令你嘅產品喺平台上更顯眼、更高曝光率。產品刊登時間係搜尋算法中非常重要嘅條件，特別當使用「近期」排序嘅時候，「泵」會立即提升產品排序。「泵」完產品後，就會好似平時咁，每當有新嘅產品刊登，你嘅產品排序就會因而逐漸降低。

就好似咁，「泵」可以令你嘅產品曝光率增加！你「泵」咗你嘅產品之後，你可以喺你嘅產品概覽度見到你「泵」咗同冇「泵」到嘅曝光率分別。

立即「泵」你嘅產品提升曝光率！

「即時泵1次」係咩嘢？

「即時泵1次」會於購買後立即泵你嘅產品，提升產品喺所屬分類中嘅排序，而且購買次數不受限制。

「每日泵1次，連續3日」、「每日泵1次，連續7日」係咩嘢？

「每日泵1次，連續3日」會喺購買後連續3日，每日泵你嘅產品1次。

例如，如果你喺星期三嘅7pm買咗個「泵」嘅話，你嘅產品會喺星期四同星期五嘅7pm再次被泵。

同樣地，「每日泵1次，連續7日」會喺購買後連續7日，每日泵你嘅產品1次。

「每日泵2次，連續3日」係咩嘢？

「每日泵2次，連續3日」會喺購買後連續3日，每日泵你嘅產品2次，合共泵6次。每日嘅第1次同第2次泵會相隔3小時。在此了解更多。

我點樣買「泵」？

你可以使用旋轉金幣購買「泵」，如果係某啲指定產品分類，亦可以喺App內直接進行購買。

如果喺使用連續3或7日嘅泵期間，你標記產品為「已保留」，會點？

產品仍然會按照原訂時間被泵，但由於被標記為「已保留」，產品就唔會出現喺平台嘅搜尋結果入面。 如果你取消產品「已保留」狀態，你嘅產品會按照被當時被泵後嘅位置出現喺搜尋結果。

「泵」可以維持幾耐呀？

「泵」後，你嘅產品會顯示喺「最新」及「最受歡迎」排序度嘅最高！之後，就會好似平時咁，當有新嘅產品被Post出嚟嘅時候，你嘅產品排序會因有新嘅產品而被降低。

我點知我嘅產品已被泵咗？

你可以透過到個人檔案中，點擊相關產品「睇下啲見解」，於「7日產品概覽」圖表中，使用咗泵嘅日期下會有閃電圖示。另一個方法係於搜尋結果內，你嘅產品左上角會出現閃電圖示，亦會見到已更新嘅產品刊登時間，即代表產品已成功被泵。

「泵」可以確保到我嘅產品會被售出嗎？

我哋只可以確保到你嘅產品曝光率會大大提高，但係售唔售出到就保證唔到啦！所以我哋建議你用喺高質素嘅產品度！

我「泵」唔到我嘅產品嘅？泵產品時遇上問題？

撳呢度話俾我哋聽啦！記住同我哋講清楚你嘅用戶名稱同埋你想泵嘅產品嘅名稱呀！