[香港] 適用於「專業帳號」產品嘅WhatsApp按鈕

呢項功能適用於新加坡同香港嘅「專業帳號」用戶。

如果你係專業帳號、並且訂閱咗旋轉商店新手方案 (Starter CarouBiz)或以上嘅旋轉商店(CarouBiz)計劃，你可以為刊登喺特定產品分類*嘅產品啟用WhatsApp按鈕，以便買家直接透過WhatsApp聯絡你。

每個專業帳號每月都會獲得一定數量嘅WhatsApp點擊限額，具體取決於你所訂閱嘅旋轉商店(CarouBiz)計劃：

• 一次WhatsApp點擊數，將被視為一次獨立買家嘅點擊

• 對於超出咗你計劃限額嘅點擊數，將會收取額外嘅點擊費用；

  • 香港：每次點擊數將會收取HK$3嘅費用
    呢啲費用將會作為額外嘅項目，反映喺你每月嘅服務費發票入面。

我可唔可以查看自己嘅WhatsApp使用情況？

你可以喺「分析」>「收入」>「活動詳情」中查看。

呢個同喺汽車同服務產品分類嘅WhatsApp按鈕係咪唔一樣？

係。

• WhatsApp點擊限額不適用於汽車同服務分類嘅產品。

• 呢個針對特定產品分類嘅全新WhatsApp按鈕福利，僅適用於訂閱咗旋轉商店新手方案(Starter CarouBiz)或以上旋轉商店(CarouBiz)計劃嘅專業帳號。

如果獨立買家喺同一位賣家嘅唔同產品上都點擊咗WhatsApp按鈕，係咪會分別計算？

唔係。無論同一位買家點擊咗同一位賣家幾多件產品上嘅WhatsApp按鈕，獨立嘅買家-賣家組合只會計算一次。

如果我升級到更高嘅旋轉商店(CarouBiz)計劃會點樣？我嘅WhatsApp點擊數會唔會更新？

唔會，你嘅點擊數唔會重設，點擊數將會繼續累積，並且你新升級計劃嘅WhatsApp點擊限額將會繼續適用。

例如，如果你已經使用咗20次點擊數，並且升級到一個新計劃，你嘅點擊數將唔會重設。你仍然係有20次已經計算嘅點擊數，但係新計劃會喺收費前為你提供一個更高嘅限額。

如果我轉換到「個人帳號」會點樣？

呢項WhatsApp福利僅適用於專業帳號。如果你轉換到個人帳號，WhatsApp按鈕將唔會再顯示喺你嘅產品中。

如果我停用WhatsApp按鈕，我仲需唔需要為額外嘅點擊數付費？

唔需要。如果你喺超過限額之前停用WhatsApp按鈕，我哋唔會向你收取額外嘅點擊費用。

點樣將我嘅WhatsApp號碼加到我嘅產品中？

要喺你嘅產品中啟用WhatsApp按鈕：

1. 去到產品嘅編輯頁面，勾選「將WhatsApp按鈕添加到產品」。

2. 輸入你嘅WhatsApp號碼，並為佢添加標籤（方便日後參考）。

3. 我哋將會透過WhatsApp發送驗證訊息畀你。

4. 完成驗證後，你嘅WhatsApp按鈕將會顯示喺符合資格嘅產品中。

請留意：

• 啟用後，WhatsApp按鈕將會顯示喺所有刊登喺支援WhatsApp嘅產品分類嘅產品中。

• 停用後，呢個按鈕將會從所有產品中移除。

• 每個已驗證嘅WhatsApp號碼，都會作為副號碼儲存喺你帳號嘅聯絡清單中。而註冊嗰陣用嚟驗證Carousell帳號嘅手機號碼，將會始終作為你嘅主號碼。

我可唔可以喺唔同嘅產品中，使用唔同嘅WhatsApp號碼？

可以。你可以加入最多25個已驗證嘅WhatsApp副號碼到你帳號嘅聯絡清單中，並選擇要顯示邊一個號碼喺你嘅產品中。但係，每件產品只可以顯示一個WhatsApp號碼。

同一個WhatsApp號碼可以用喺幾多個帳號之中？

香港：

• 可以喺兩個Carousell帳號用作主號碼（帳號層面驗證）

• 可以喺另外兩個Carousell帳號用作副號碼（產品層面驗證）

如果我透過呢個功能驗證一個唔一樣嘅WhatsApp號碼，會唔會改變咗我用嚟驗證帳號嘅電話號碼？

唔會。為你嘅產品驗證WhatsApp號碼，唔會取代或影響你用嚟驗證Carousell帳號嘅手機號碼。

當我啟用WhatsApp按鈕，買家會唔會見到我嘅電話號碼？

會。當買家點擊WhatsApp按鈕，佢哋可以直接見到你所設定嘅WhatsApp號碼同埋透過該號碼聯絡你。

我可唔可以喺我嘅聯絡清單中移除WhatsApp號碼？

可以。如果要移除WhatsApp號碼：

1. 點擊任何一件產品上嘅「編輯」圖示。

2. 選擇「將WhatsApp按鈕添加到產品」。

3. 打開你嘅聯絡清單。

4. 點選你想要移除嘅號碼隔離嘅編輯圖示。

5. 移除嗰個號碼。

嗰個號碼將會從所有用緊佢嘅產品中移除。