[香港] 以專業帳號賣家身分，分享聯絡資料
[全新付費功能] 你可以選擇喺個人檔案頁面加入聯絡資料，接觸更多買家
畀買家直接聯絡你，同時符合我哋嘅平台指引。只要喺個人檔案頁面中顯示你嘅聯絡資料，買家就可以更方便咁喺Carousell以外嘅地方搵你，為你帶嚟更多潛在客源。
📢 呢個係一項付費功能，你可以自由決定係咪開啟呢個功能。
只有訂閱咗合資格CarouBiz計劃或銷售套餐嘅專業賣家，先可以喺個人檔案頁面開啟「聯絡資料」功能，並分享聯絡資料。
如果你冇開啟呢個功能：
所有對話同交易都必須留喺Carousell內進行
你唔可以喺個人簡介、產品相片或者描述入面，提供任何聯絡資料
咁樣有助於保障社群嘅買賣雙方，同時亦係我哋「產品上載守則」嘅一部分。
以下係違規範例：
🚫 WhatsApp/Instagram/Telegram 搵我 @XXX
🚫 想快啲收到回覆，請聯絡 +852 XXXX XXXX
🚫 想睇更多相或者更多產品，可以去我嘅 Facebook/Instagram 帳號
⚠️ 如果冇遵守呢啲指引，我哋可能會對你嘅帳號採取進一步行動，包括暫停你嘅銷售活動。
*你嘅聯絡資料會預設隱藏，直到用戶撳入去先會顯示。
- 電話號碼
- 電郵地址
- 網頁連結
邊個可以分享聯絡資料
只要符合以下條件，你就可以喺個人檔案頁面新增並分享你嘅聯絡資料：
- 選擇公開顯示你嘅聯絡資料
點樣開啟呢個功能
你需要訂閱合資格嘅CarouBiz計劃(Standard/Growing)或銷售套餐，先可以開啟呢個功能。
- 前往「設定」>「編輯檔案」
- 新增你嘅聯絡資料同業務資訊
- 更新好你嘅業務資料之後，去你個人檔案頁面嘅「聯絡資料」分頁
- 開啟顯示設定，等用戶可以睇到你嘅聯絡資料，咁就搞掂啦
合資格嘅CarouBiz計劃可享有高達300個免費聯絡資料瀏覽人次。
如果瀏覽人次超過上限，將會收取額外服務費。呢啲費用會作為獨立項目，顯示喺你每個月嘅服務費發票內。
| CarouBiz計劃 | 每月免費聯絡資料瀏覽人次 |
| 標準方案 (Standard CarouBiz) | 200 |
| 成長方案 (Growing CarouBiz) | 300 |
| 年度銷售套餐 | 無限 |
聯絡資料瀏覽人次係點樣計算
每個聯絡資料瀏覽者我哋只會計算一次，即使佢哋查看咗幾項聯絡資料，或者查看咗好多次。
🚫 喺同一個產品分類銷售嘅競爭對手，佢哋嘅瀏覽次數將唔會計算在內。
如果買家透過Carousell私訊同你完成交易，你唔需要支付服務費。
| 服務費按每個瀏覽者收取一次，並會以收費最高嘅嗰項聯絡資料嚟計。 | |
睇咗嘅聯絡資料 |
服務費 |
| 電話號碼 | HK$5 |
| 電郵地址 | HK$1.5 |
| 網頁連結 | HK$2.5 |
如果用戶撳入去睇多過一項聯絡資料，我嘅服務費會點計？
當用戶撳入去睇你一項或多項聯絡資料（例如電話號碼同電郵地址）嗰陣，只會計一個「聯絡資料瀏覽人次」，而且會收取費用較高嗰項嘅服務費。呢啲費用會作為獨立項目，顯示喺你每個月嘅服務費發票內。
範例：
瀏覽者A撳入去睇你嘅電話號碼同電郵地址 → 計 1 個瀏覽人次（每次點擊 HK$5）
買家B撳入去睇你嘅電郵地址同網頁連結 → 計 1 個瀏覽人次（每次點擊 HK$2.5）
📌 喺同一個產品分類銷售嘅競爭對手，佢哋嘅瀏覽次數將唔會計算在內。
如果買家睇咗我嘅聯絡資料，同時又同我進行交易，我會唔會被收取雙重服務費？
如果買家喺同一個月內已經喺Carousell內同你進行過交易，我哋就唔會再收取你聯絡資料瀏覽人次嘅服務費。
同樣道理，如果你已經就外部聊天或者點擊WhatsApp按鈕畀咗費用，當買家再睇你嘅聯絡資料嗰陣，我哋都唔會再重複收費。
如果我升級到更高級別嘅CarouBiz計劃，瀏覽人次嘅次數會唔會重新計算？
就算你升級到更高級別嘅CarouBiz計劃，你嘅瀏覽人次嘅次數都唔會重新計算。你嘅瀏覽人次次數會繼續累積落去，而升級計劃所帶嚟嘅新優惠/上限將會即時生效。
範例：
假設已經有200個用戶睇過你嘅聯絡資料，然後你升級到成長方案 (Growing CarouBiz) 計劃，你就會有額外100個免費嘅瀏覽人次，用完之後先會開始收服務費。
我可唔可以揀顯示邊啲聯絡資料（例如：淨係顯示電郵地址、唔顯示電話號碼）？
你可以檔案設定入面，選擇留空你唔想分享嘅聯絡同業務資料。不過，如果你已經填寫咗資料，所有資料都會顯示出嚟，目前暫時冇法獨立選擇顯示或者隱藏邊啲資料。
點樣知道自己今個月累積咗幾多聯絡資料瀏覽人次？
當有買家撳入去睇你嘅聯絡資料嗰陣，你會喺「更新」分頁收到通知。你亦可以去「我」頁面 >「數據分析 >「成效總覽」>「成長摘要」睇返你嘅聯絡資料瀏覽紀錄。
當我達到免費聯絡資料瀏覽人次上限時，會唔會收到通知？
唔會。任何超出你訂閱計劃上限嘅額外瀏覽人次，都將會直接計入你每個月嘅服務費發票內。
如果我超出免費嘅聯絡資料瀏覽人次上限會點？
任何超出每個月免費聯絡資料瀏覽人次嘅額外瀏覽人次，都會計入你每個月嘅服務費發票內收費。
| 服務費按每個瀏覽者收取一次，並會以收費最高嘅嗰項聯絡資料嚟計。 | |
睇咗嘅聯絡資料 |
服務費 |
| 電話號碼 | HK$5 |
| 電郵地址 | HK$1.5 |
| 網頁連結 | HK$2.5 |
當買家撳入去睇你一項或多項聯絡資料（例如電話號碼同電郵地址）嗰陣，只會計一個瀏覽人次，而且會收取費用較高嗰項嘅服務費。
我可唔可以隨時關閉顯示聯絡資料？
可以。你可以隨時去個人檔案頁面入面嘅「聯絡資料」將佢關閉。
如果我關閉顯示聯絡資料，仲會唔會被收費？
如果你決定關閉聯絡資料，唔再向用戶顯示，喺你關閉顯示嗰日之前，任何超出咗你CarouBiz計劃每個月免費上限嘅瀏覽人次，都依然會收取服務費。
可唔可以睇到邊啲用戶睇過我嘅聯絡資料？
如果有用戶撳入去睇你嘅聯絡資料，系統會開一個新嘅私訊，而你嘅「更新」(Updates) 分頁亦會收到通知。