咩係「泵」(Bump)？

利用「泵」嚟推廣你嘅產品！

咩係「泵」？

「泵」會將你嘅產品刊登時間更新為使用「泵」嘅嗰一刻。由於產品刊登時間係產品喺搜尋結果中排序嘅關鍵因素，因此使用咗「泵」嘅產品排序會更高，尤其係當買家以「近期」嚟排序嘅時候。

透過咁樣做，「泵」可以幫助你嘅產品增加曝光率。想知道有咩分別？你可以使用「泵」之後，喺「產品預覽」頁面檢視你嘅產品嘅表現。

 

重要更新：「泵」而家採用後付費模式

由2025年2月24日開始，「泵」已經轉為後付費模式。咁樣意味著：

• 只有喺成功「泵」咗之後先會扣除金幣，無需預先付費。
• 你累積嘅金幣使用數量，將會根據唔同「泵」中嘅每個產品，每日更新一次。

呢個更新令到「泵」可以更無縫使用，你亦可以更專注喺銷售而無需擔心預扣費用。🚀

 

點樣買「泵」？

要「泵」你嘅產品，方法非常簡單：

1️⃣ 選擇你想要推廣嘅產品。

2️⃣ 喺你嘅個人檔案頁面者產品詳情頁面撳「推廣」。

3️⃣ 選擇最適合你嘅「泵」嘅類型，一切準備就緒啦！

你可以使用旋轉金幣購買「泵」；或者喺某啲產品分類，你可以直接購買。

 

有咩唔同類型嘅「泵」？

• 即時泵1次
• 每日泵1次，連續3/7日
• 每日泵2次，連續3日
• 自訂泵
• 智能泵
• 批量泵

 

如果喺使用「泵」期間，我標記產品為「已保留」，會點？

產品仍然會按照原訂時間被泵，但由於被標記為「已保留」，產品就唔會出現喺平台嘅搜尋結果入面。 如果你取消產品「已保留」狀態，你嘅產品會按照被當時被泵後嘅位置出現喺搜尋結果。

 

點解我嘅「泵」會被跳過？

如果你冇足夠金幣用於下一次嘅「泵」，產品將唔會被泵。要恢復你產品中嘅「泵」，你需要增值你嘅金幣餘額。

為免中斷，我哋建議你開啟自動增值金幣功能，以便你嘅「泵」繼續順利進行。

 

有咩會導致我嘅「泵」結束？

如果改變產品分類、標記產品為「已售出」、刪除產品或產品已過期，你嘅「泵」就會結束。

 

點樣知道我嘅產品已被「泵」咗？

你可以透過到個人檔案中，點擊相關產品「查看數據」，於「產品預覽」頁面中，使用咗「泵」嘅日期下會有閃電圖示。另一個方法係於搜尋結果內，你嘅產品左上角會出現閃電圖示，亦會見到已更新嘅產品刊登時間，即代表產品已成功被泵。

 

「泵」可以維持幾耐？

用咗「泵」後，你嘅產品會顯示喺「最新」及「最受歡迎」排序度嘅最高！之後，就會好似平時咁，當有新嘅產品刊登出嚟嘅時候，你嘅產品排序會因有新嘅產品而被降低。

 

「泵」可以確保我嘅產品會售出嗎？

我哋只可以確保到你嘅產品曝光率會大大提高，但係售唔售出到就保證唔到啦！所以我哋建議你用喺高質素嘅產品度！

 

我「泵」唔到產品！

泵產品時遇到問題？撳呢度話俾我哋聽啦，記得同我哋講清楚你嘅用戶名稱同埋你想泵嘅產品嘅名稱呀！