[香港] 賣家教學：點樣使用買家保障？

點樣啟用平台收款功能？

你可以喺刊登或者編輯產品嘅時候啟用平台收款功能，並且為你未來所有嘅產品預設啟用呢個功能！平台收款功能只可以喺特定產品分類中啟用，詳情請參考：可以使用平台收款功能嘅產品分類。

當你將產品刊登喺可以啟用平台收款功能嘅產品分類時，添加產品詳情之後，你應該會見到以下選項：

當你啟用平台收款功能時，你可以新增送貨作為交易方式。Carousell官方合作快遞（順豐速運）將自動設定為你嘅預設運送方式。

以下係關於點樣使用Carousell官方合作快遞嘅影片教學：

如果想新增其他你想用嘅快遞公司，請選擇「編輯運送方式」。更多關於點樣為啟用咗平台收款功能嘅產品設定運送方式，可以參考預設運送方式。

*請留意，只有啟用咗平台收款功能之後，你先可以提供送貨作為交易方式。

以下係關於點樣使用自訂郵寄嘅影片教學：

如果你嘅平台收款功能預設係停用狀態，表示你暫時唔符合使用平台收款功能嘅資格：

• 賣家嘅評分至少要有4分
• 最近30日內都維持低訂單取消率
  - 如果你嘅訂單少於10個，則只允許取消1個訂單
  - 如果你嘅訂單超過10個，取消率需要維持喺10%以下

同時，你只可以使用面交作為你嘅產品嘅交易方式。

一旦你符合資格可以再次使用平台收款功能，系統將透過私訊喺Carousell app內通知你。資格將會每個星期一重新評估同更新。

平台收款功能偏好嘅預設設定

一次過管理你嘅產品

如果你想管理某啲以前嘅產品，可以到「管理產品」，再選擇你想啟用或者停用平台收款功能嘅產品。請留意，如果你選擇將預設嘅平台收款功能設定更改為「停用」，咁樣將會從你所有嘅產品中移除送貨呢個選項，同時所有以前設定嘅送貨選項都將會遺失。

請留意！

當你啟用平台收款功能，你同意App內支付使用政策中規定嘅條款，並且你需要透過我哋嘅支付合作夥伴Stripe進行一次性嘅身份驗證先可以提取你嘅餘額。

下一步！

一旦你喺產品啟用咗平台收款功能，買家將會喺你嘅產品中見到「買家保障」標籤，以獲得更多保證，咁樣意味著你比其他賣家更加有優勢！