[香港] 買家保障涵蓋嘅範圍
*重要提示*
如果有人要求你提供個人聯絡資料（例如：電郵地址、手機號碼、信用卡/扣帳卡資料等等）先可以收到款項（包括假冒嘅買家保障網址連結），請小心留意！Carousell絕對唔會要求用戶提供上述資料，亦都唔會引導用戶去其他外部付款網站。如果遇到呢類情況，請即刻向我哋檢舉。更多詳情，可以參考呢度。
退款資格準測
根據買家保障計劃，如果滿足以下條件，買家或有資格獲得退款：
- 喺爭議期之內，提出交易爭議嘅理由係：
- 冇收到*用咗可追蹤運輸**嘅產品；或者
- 產品同賣家描述嘅明顯不符
*冇收到產品係指賣家未能夠根據所選擇嘅運送方式送貨嘅情況。
**建議賣家選擇可追蹤運輸。你可以喺呢度搵到我哋提供可追蹤運輸嘅快遞合作夥伴列表：具有app內追蹤嘅快遞公司列表。
- 除非同賣家及/或Carousell另有約定，否則買家必須以同收到產品時相同嘅狀況將產品退返畀賣家，以合資格獲得退款。
- 買家透過平台收款功能完成交易並且畀錢。
喺爭議期之內（app內運送狀態顯示產品已送達或已提取後2日、最遲預計運送日期後6日、或者喺買家確認已收取所描述嘅產品之前，以較前者為準），買家可透過訂單詳情頁面提出交易爭議。
唔涵蓋嘅範圍
| 改變主意 |
唔涵蓋。 會涵蓋買家聲稱錯誤落單嘅情況。 |
| 喺爭議期之後先提出退款/退貨要求 | 唔涵蓋。 |
| 買家對原本產品/協議以外嘅事項提出索賠 | 唔涵蓋。 |
| 產品喺成功運送後被盜/損壞 |
唔涵蓋。 買家有責任確保收貨地址可以安全收到產品。 除非產品本身損壞，否則包裹及包裝喺運輸過程中出現摺痕、線條、褶皺或凹痕，或者交貨時包裝損壞，都唔會涵蓋。 |
| 產品被報告為有表面磨損，但唔影響功能 |
唔涵蓋。 |
| 冇透過平台收款功能畀錢 | 唔涵蓋。 喺平台以外完成部分付款或者全額付款（交易未透過平台收款功能進行） |
|
排除事項 賣家有責任將產品刊登喺正確嘅產品分類，唔應該為唔符合資格嘅產品啟用平台支付 |
唔涵蓋。 Carousell界定屬於以下事項嘅產品*： *無論產品最初係咪刊登喺啟用咗買家保障嘅產品分類
|
| 額外嘅排除事項 |
|
A. 冇收到用咗可追蹤運輸嘅產品
賣家必須將產品運送到訂單詳情中嘅地址。如果Carousell裁定冇收到產品嘅索賠有效，將會規定對冇收到嘅產品全額退款。
至於同快遞有關嘅事宜，對賣家嘅賠償以快遞公司嘅賠償金額為上限。強烈建議賣家選擇足以涵蓋所寄出產品價值嘅郵寄方式。Carousell唔會對遺失嘅包裹進行賠償。
賣家有責任確保佢哋寄出嘅產品符合所選擇嘅快遞公司嘅包裝指引同服務條款，以便喺有需要時符合資格獲得相關嘅賠償。
| 受保障嘅情況 | |
| 冇送到由Carousell嘅綜合可追蹤運輸服務商喺訂單詳情中顯示嘅地址 |
如果貨件嘅狀態顯示為「遺失」（或同等情況），買家有資格獲得全額退款，包括原來嘅運費。 賣家有資格獲得Carousell官方合作快遞嘅保險範圍中規定嘅賠償。 |
| 冇送到由自行安排嘅快遞公司（可追蹤運輸服務商）喺訂單詳情中顯示嘅地址 |
如果貨件嘅狀態顯示為「遺失」（或同等情況），買家有資格獲得全額退款，包括原來嘅運費。 賣家有資格獲得所選擇嘅快遞公司所提供嘅賠償*。 |
*同快遞有關嘅事宜，對賣家嘅賠償以快遞公司嘅賠償金額為上限。強烈建議賣家選擇足以涵蓋所寄出產品價值嘅郵寄方式。Carousell唔會對遺失嘅包裹進行賠償。
買家冇收到用咗可追蹤運輸嘅產品嘅唔涵蓋範圍
| 排除嘅情況 | |
| 由第三方代替買家提取可追蹤嘅產品 |
唔涵蓋。
|
| 買家前往嘅順豐自取點同落單時聲明嘅唔一樣 | 唔涵蓋。 |
| 買家喺結帳時提供咗冇效或者唔正確嘅地址 | 唔涵蓋。 |
| 運送延遲超出咗爭議期 | 唔涵蓋。 |
| 不可追蹤運輸 (自己運送或者運送並非嚟自具有app內追蹤嘅快遞公司） | 唔涵蓋。 |
| 買家有使用Carousell嘅綜合可追蹤運輸服務商，但產品金額係$0元（買家喺平台以外向賣家畀錢） | 唔涵蓋。 |
B. 產品同描述明顯不符 (Significantly Not As Described, SNAD)
賣家寄出嘅產品必須符合喺產品中嘅描述。如果買家收到嘅產品同產品描述不符，而且買家喺app內運送狀態顯示產品已送達或已提取後2日、最遲預計運送日期後6日、或者喺買家確認已收取所描述嘅產品之前（以較前者為準）提出交易爭議，買家將有資格獲得全額退款，包括原來嘅運費。
買家必須以同收到產品時相同嘅狀況將產品退返畀賣家，以合資格獲得退款。如果賣家及/或Carousell同意，買家可能唔需要退貨。其他解決方案包括賣家發送替換產品而唔係退款。
如果退貨，除非有證據表明產品喺透過我哋嘅綜合服務商運送過程中損壞，否則賣家有責任支付退貨運費。
當出現交易爭議，Carousell將會檢視:
- 買家同賣家交易時Carousell上嘅產品描述同相片
- 賣家寄貨時嘅產品相片同狀況
- 建議賣家喺寄貨前測試產品，並且保留證據以作為產品功能嘅證明。如果該產品被聲稱冇法運作/功能損壞，Carousell或將呢樣作為證據。
- 賣家寄貨時已採取適當包裝措施嘅證明
- 買家收到嘅產品狀況嘅相片
- 該產品嘅描述錯誤或者唔準確嘅證明（如適用）
至於同快遞有關嘅事宜，對賣家嘅賠償以快遞公司嘅賠償金額為上限。強烈建議賣家選擇足以涵蓋所寄出產品價值嘅郵寄方式。
賣家有責任確保佢哋寄出嘅產品符合所選擇嘅快遞公司嘅包裝指引同服務條款，以便喺有需要時符合資格獲得相關嘅賠償。
如果快遞公司有指定買家可以從自取點提取產品嘅最遲日期，買家將需要負責承擔因延遲提取產品而產生嘅任何額外嘅每日存倉費。另外，買家應承擔快遞公司根據自身條款及條件向你收取嘅任何額外費用，包括但不限於任何重新嘗試運送嘅費用同額外嘅服務費。
| 受保障嘅情況 | |
| 賣家寄錯產品 |
涵蓋。 例如：買家落單買中碼恤衫，但賣家寄咗細碼恤衫。 |
| 賣家只係履行咗部分訂單 |
涵蓋。 例如：產品顯示包括鞋帶，但賣家寄出嘅鞋冇鞋帶。 |
| 賣家寄出嘅產品睇起嚟同描述不符 |
涵蓋。 例如：買家落單買銀色戒指，但賣家寄咗金色戒指。 |
| 賣家寄出嘅產品同產品相片有好大差異 |
涵蓋。 例如：產品相片顯示係灰色裙，但實際收到嘅產品係藍色嘅。 |
| 賣家失實陳述產品嘅外觀同可使用狀況 |
涵蓋。 賣家有責任喺Carousell上完整、準確咁展示產品嘅狀況同功能。
例如：賣家喺產品中聲明手提電腦可以運作，但買家收到嘅手提電腦螢幕上有壞點。
|
| 產品喺由賣家運送畀買家嘅過程中損壞 |
涵蓋。
賣家有責任確保佢哋寄出嘅產品符合所選擇嘅快遞公司嘅包裝指引同服務條款，以便喺有需要時符合資格獲得相關嘅賠償。 |
當買家收到嘅產品同描述明顯嘅唔涵蓋範圍
|
排除嘅情況 |
|
|
產品中明確描述係有缺陷嘅產品 |
唔涵蓋。 例如：如果Carousell認為交易時賣家喺產品中提供咗足夠證據可以向買家傳達產品有缺陷。 |
|
對於電子產品、手機、平板電腦、電器等複雜產品，SNAD唔涵蓋產品保養 |
唔涵蓋。 例如：賣家向買家寄出一部洗衣機，洗衣機喺第一日運作正常，但下一個月就冇法運作。買家只有2日爭議期可以提出交易爭議。 |
|
對於電子產品、手機、平板電腦、電器等複雜產品，SNAD唔涵蓋產品嘅深入主觀功能 |
唔涵蓋。 例如：買家聲稱洗衣機嘅旋轉功能「唔夠快」。 |
|
對於寵物用品、健康同美容產品、食物同飲品等複雜產品，SNAD唔涵蓋產品嘅深入主觀功能 |
唔涵蓋。 例如：買家聲稱香水嘅氣味冇「花香」。 |
|
喺單一產品中以禮品捆綁形式出售嘅產品，例如禮品袋、禮籃、神秘盒等，當中冇對捆綁出售嘅每個獨立組成部分/組件進行描述 |
唔涵蓋。 |
|
除非產品描述中已另有說明，買方透過比較同一產品嘅舊版本，聲稱服裝嘅剪裁、產品版本、材料、型號等存在差異 |
唔涵蓋。 例如：買家聲稱佢哋之前喺零售品牌X購買嘅同款Chino褲嘅剪裁同佢地收到嘅唔一樣。 |
|
買家聲稱喺其他網站/店鋪出售嘅相同產品嘅價錢，同佢哋嘅Carosell上購買嘅價錢唔一樣 |
唔涵蓋。 |
處理交易爭議及退貨流程
更多關於Carousell點樣處理交易爭議同退貨嘅詳情，請參考Carousell處理交易爭議流程概覽。