[香港] Carousell官方合作快遞嘅保險範圍
本文只適用於使用Carousell官方合作快遞並由順豐速運履行嘅送遞服務。
為符合保險保障資格，賣家必須確保買家喺爭議期內提出退貨/退款申請。詳情請參閱：[香港] 買家保障嘅退款政策。
作為賣家，如果你提供並選擇使用Carousell官方合作快遞並由順豐速運寄貨，一旦發生遺失或損毀嘅情況，你有權申請賠償。賠償金額將會以產品嘅申報價值（即刊登時標示嘅價錢）嚟計算，最高賠償額為港幣780元（以較低者為準）。
Carousell將協助代你向順豐速運提交你提供嘅相關資料及文件。如果申請成功，我哋會聯絡你，為遺失或損毀嘅包裹向你發放賠償，當中亦會包含任何平台費。
注意事項
1. 為確保我哋能向順豐速運提供足夠證據以成功獲得賠償，請確保：
- 提供相片或影片證明產品已經妥善包裝以及包裝前並未受損
- 產品唔屬於快遞公司禁止運送嘅產品清單
2. 關於快遞有關嘅事宜，對賣家嘅賠償以快遞公司嘅賠償金額為上限。強烈建議賣家選擇足以涵蓋所寄出產品價值嘅郵寄方式。Carousell唔會對遺失或失蹤嘅包裹負責或作出賠償。