咩係「買家磁石」(Buyer Magnet)？

「買家磁石」(Buyer Magnet) 係一款推廣工具，旨在提升產品嘅曝光率，吸引更多買家。如果你喺30日內未能透過「買家磁石」促成一個買家磁石交易*，你唔需要支付使用呢個功能嘅費用。呢個功能目前喺香港、新加坡同馬來西亞開放。

*買家磁石交易係指以下任一情況：(a) 透過買家保障(Buyer Protection)功能建立嘅訂單，不論訂單之後係咪有退款、取消或交易爭議；(b) 將產品標記為已售出；(c) 賣家確認係經由Carousell搵到買家，不論交易係喺平台內或平台外完成。

「買家磁石」會將你嘅產品展示喺高曝光率嘅位置，並推薦畀最有可能感興趣嘅買家，從而提升你產品嘅曝光率。

如果「買家磁石」訂單促成咗一個買家磁石交易，將會以產品價格嘅2%起收取買家磁石費用，最低費用分別係港幣4元（香港）、新加坡幣0.50元（新加坡）、馬來西亞幣2.00元（馬來西亞），而最高費用分別係港幣200元（香港）、新加坡幣30元（新加坡）、馬來西亞幣200元（馬來西亞）。

一旦「買家磁石」設定咗之後，佢嘅推廣工具就會即刻開始運作。「買家磁石」費用根據設定嗰陣嘅產品價格計算。如果產品價格喺完成設定之後降低，費用將維持不變。

設定咗「買家磁石」之後會點？

設定咗「買家磁石」之後，你可以喺「產品概覽」頁面睇返產品嘅表現。

你會見到，系統已經使用咗「泵」或「熱門推廣」嚟提升你產品嘅爆光率，以吸引更多買家。

如果完成咗一個買家磁石交易，買家磁石費用會即刻從你嘅信用卡或扣賬卡中扣除。你可以透過「個人檔案」>「旋轉金幣」圖示 > 金幣紀錄頁面，了解收費情況。

設定咗「買家磁石」之後，我可唔可以停用佢？

一旦你設定咗「買家磁石」之後，你嘅產品將會自動獲得推廣。因此，你將無法取消或停用「買家磁石」。

如果我嘅產品冇售出會點？

如果「買家磁石」喺啟用後30日內未能促成任何買家磁石交易，「買家磁石」功能將會自動停止，而你信用卡或扣賬卡上預先扣留嘅授權費用亦會自動解除，唔會顯示喺你信用卡或扣帳卡嘅結單上。

如果我嘅產品因審核而被移除咗會點？

如果你嘅產品經審核後被移除，你唔需要支付買家磁石費用，而你信用卡或扣賬卡上預先扣留嘅授權費用亦會自動解除，唔會顯示喺你信用卡或扣帳卡嘅結單上。

點解我唔可以再使用「買家磁石」？

目前，「買家磁石」基於唔同因素（例如帳號活動同刊登行為）開放畀特定用戶，而且可用性可能會隨著時間推移而改變。此外，「買家磁石」唔適用於「專業帳號」。

如果你唔再見到呢個選項，你可以嘗試我哋嘅曝光率工具，例如「泵」同「熱門推廣」，佢哋以類似嘅方式運作，可以幫助你嘅產品更有效咁接觸適合嘅受眾。