[香港] 點樣驗證身份以提取餘額？

如果你希望提取待處理餘額中嘅交易款項，你需要完成身份驗證並添加提款方式（以銀行戶口形式）。驗證過程可能需要1-3個工作日。

呢個係完成第一個訂單後所需要嘅一次性流程，當驗證咗你嘅身份並添加咗提款方式，系統將唔會再提示你進行身份驗證。

*個人必須年滿18歲先可以提交資料進行Stripe嘅驗證流程。

點解我一定要驗證身份先可以提取餘額？

呢個流程係我哋嘅付款處理合作夥伴Stripe所要求嘅，目的係收集、驗證及維護同Stripe帳號關聯嘅個人識別資訊。

呢啲要求來自監管機構及金融合作夥伴，目的係提高透明度並防止個人利用複雜嘅公司結構去隱藏恐怖主義融資、洗錢、逃稅及其他金融犯罪。特別係，呢啲要求包括《貪污、販毒及其他嚴重罪行（充公得益）法令》、《恐怖主義（制止資助）法令》及制裁條例中所載嘅要求。

作為使用平台付款嘅Carousell用戶，你亦必須遵守Stripe嘅要求先能夠接收平台上嘅交易付款。

Stripe 會收集邊啲資料嚟驗證？

Stripe喺驗證過程中可能會收集以下資料：

• 政府發出嘅身份證明文件上所顯示嘅全名
• 電郵地址
• 出生日期
• 家居地址
• 電話號碼
• 身份證號碼 (HKID)
• 身份證明文件副本

驗證程序完全喺Stripe平台上完成，當你成功完成驗證，即表示你同意Stripe資料收集服務條款。請留意，Carousell唔會保留或儲存你提交畀Stripe嘅任何個人資料。

以下係驗證身份嘅步驟

1. 進入「我」頁面，點擊「旋轉銀包」圖示，進入「更新提款詳情」頁面

2. 點擊「提款」，系統將提示你驗證身份並新增提款方式。

3. 點擊「驗證你的身份」。你將被重新引導到Stripe嘅驗證頁面。

4. Stripe處理驗證可能需要1-3個工作日。驗證後，你可以新增你嘅銀行戶口詳細資料作為你嘅提款方式。你餘額中嘅款項將轉賬至銀行戶口。

5. 你可以透過「旋轉銀包」>「提款詳情」頁面查看你嘅驗證狀態。成功驗證將被更新為「Verified by Stripe」圖示。如果驗證失敗，請透過客服團隊聯絡我哋。你可能需要進一步提交尚未完整嘅詳細資料及文件。

我已嘗試過驗證流程，但仍然無法提取餘額。我應該點做？

由於以下原因，你嘅驗證可能不會被成功接受；

• 你提供嘅身份證已過期。
• 你嘅身份證明文件資料同你所輸入嘅詳細資料不符；例如，你可能省略咗喺身份證上需要註明嘅任何別名。該姓名必須同你身份證中顯示嘅姓名完全一致。
• 你嘅身份證已被編輯、更改或損壞。
• 你上傳咗身份證副本或掃描文件。身份證必須為真實照片。
• 你上傳嘅相片唔係 .png 或 .jpg 格式。

如果你喺上傳身份證時遇到問題，可以參考Stripe嘅幫助中心。

如果你已嘗試上述所有解決方法，但你嘅驗證狀態尚未更新，請透過客服團隊同我哋聯絡。