Carousell點樣努力確保用戶安全？

信任同安全係我哋嘅首要任務，Carousell致力於盡最大努力去確保用戶安全。我哋已採取各種措施建立穩健且全面嘅信任同安全策略，當中嘅多層防禦方法有四個關鍵領域：一、主動阻截可疑帳號以免不法之徒有機可乘；二、對任何欺詐行為嘅證據採取迅速行動；三、提高用戶對詐騙嘅認識；四、同政府部門及外部持份者合作，分享最佳做法同交流資訊。

 

一、主動阻截可疑帳號以免不法之徒有機可乘嘅保障措施

• 機器學習及自動檢測工具以快速識別可疑帳號

我哋採用第三方服務嘅一體化集成工具，利用其廣泛嘅欺詐數據網絡同實時機器學習模型嚟檢測欺詐趨勢。因應不法之徒會迅速改變佢哋嘅策略以免被偵測，我哋亦不斷更新工具以捕捉最新嘅趨勢同模式。

• 社群守則及政策以規範内容同行为

我哋為用戶提供唔同嘅守則同指引，以協助每個人理解當中嘅含義以及我哋對Carousell社群成員嘅期望。呢啲政策係公開透明嘅，供所有人閱讀同遵守。

• 爭議橫額

當用戶同另一位正在接受審查或限制嘅用戶互動，私訊中就會出現爭議橫額，以便提醒用戶。爭議橫額亦係另一個能夠幫助用戶喺交易之前衡量對方可信度嘅工具。

• App內教育提示

作為一個以社群為中心嘅平台，我哋積極教育用戶，以便佢哋能夠喺交易中作出更明智嘅決定。我哋利用多種渠道接觸用戶，包括喺私訊中提醒用戶唔好將對話帶出平台，亦設有簡短嘅安全提示、向用戶傳送Carousell私訊以及發佈社交帖子等等。

• 用於可疑登入嘅驗證碼

當透過新設備登入Carousell帳號時，我哋會將驗證碼發送到該帳號嘅註冊電郵地址，以確認並通知帳號持有人，有人嘗試登入佢哋嘅Carousell帳號。

• 電話驗證

所有買家同賣家都必須驗證手機號碼，先可以進行私訊或刊登產品，咁樣能夠令社群更有信心互相信任，並有助於創造一個更安全、更愉快嘅買賣平台。用戶成功驗證手機號碼後，個人檔案頁面就會添加電話驗證嘅標誌，平台上所有用戶都可以見到。

• 確保用戶了解最新嘅安全措施

我哋唔允許用戶從缺乏最新安全措施嘅舊app版本登入同註冊，以確保用戶得到最新安全措施嘅強化及充分保護。我哋鼓勵用戶定期更新佢哋嘅Carousell app。

• 買家保障

買家保障係一個應用程式內付款功能，允許透過接受嘅付款方式喺Carousell上為購買嘅產品畀錢。透過買家保障，款項會被安全保管，直至確認收到嘅產品同描述相符為止。用戶並唔需要去到外部網站提供個人資料。馬來西亞、新加坡同香港都提供買家保障。

 

二、對任何欺詐行為嘅證據採取迅速行動嘅流程

• 專門嘅審核團隊

除咗自動檢測欺詐工具之外，我哋亦有一個專門嘅審核團隊，全年無休，監控同審查欺詐行為。

• 檢舉用戶或產品

  用戶就有如Carousell嘅眼睛同耳朵，喺監控平台方面扮演著非常重要嘅角色。我們允許用戶向我哋檢舉違反社群守則嘅用戶或產品，每個人，尤其係我哋嘅社群成員，都能夠成為維持Carousell信任同安全嘅一份子，呢種文化對於繼續為所有人提供安全及愉快嘅買賣平台亦係不可或缺嘅。請放心，除非需要直接跟進檢舉，否則所有檢舉將保持匿名。
  
  

三、藉由教育提高用戶對詐騙嘅認識以及學會保護自己

• 加強關於詐騙教育嘅資源

我哋團隊會定期更新幫助中心嘅文章，幫助用戶更好咁理解同識別潛在嘅詐騙，例如網絡釣魚防範措施：點樣識別可疑連結、短訊、電郵、二維碼等等。

• 評分及評價

評分及評價有助喺Carousell社群內建立信任，係一種幫助衡量用戶可信度嘅工具，反映用戶同社群其他成員嘅交易經驗。我哋鼓勵用戶準確陳述佢哋嘅交易體驗。 

• 教育活動

我哋會定期喺平台上進行用戶教育活動，告知用戶詐騙趨勢，提醒應該點樣安全交易。

• 私訊內安全消息

Carousell一直不斷更新阻截高風險私訊嘅功能，以追上詐騙嘅最新趨勢，並向用戶發送分享個人資料嘅風險警示。

 

 四、透過合作及夥伴關係分享最佳做法同交流資訊

• 政府合作夥伴

我哋積極同所有主要市場嘅政策制定者及當局合作，以分享最佳方法、交流資訊，並喺適當嘅情況下回應執法要求。

• 品牌合作夥伴 / 行業專家

為處理冒牌產品，我哋推出Carousell權利持有者計劃 (CROP)。透過呢個為打擊冒牌產品而設嘅計劃，我哋同值得信賴嘅品牌合作，賦予佢哋權力去直接移除Carousell上嘅冒牌產品。計劃不但能夠大大減少移除冒牌產品所需嘅時間，亦能防止用戶誤買冒牌產品，同時保護品牌嘅權益。

• 媒體

我哋同各媒體機構合作，並利用一系列社交媒體溝通渠道，提供有關點樣喺Carousell上安全交易、注意事項以及點樣避免可疑帳號及高風險行為嘅提示。