電話號碼驗證

點解我要驗證我嘅電話號碼？

如果你係嘅賣家，通過驗證你嘅電話號碼，平台上嘅用戶可以對其他使用者更有信心，從而提供一個更安全及良好嘅平台。當你成功驗證你嘅電話號碼後，你嘅帳號就會有一個電話標誌。該電話標誌於所有國家市場平台都可以見到。

點樣驗證我嘅電話號碼？

非常簡單！請跟住以下步驟：

1. 去到你嘅檔案（「我」嘅頁面）
2. 去到設定
3. 選擇「編輯檔案」
4. 於私人檔案中，輸入你嘅電話號碼，然後撳「獲取驗證碼」
5. 你會透過SMS收到一個4位數字驗證碼。輸入4位驗證碼後，選擇「驗證」。

你嘅帳號就會成功通過電話驗證！當你成功驗證你嘅電話號碼後，你嘅帳號就會有一個電話標誌。

咩係一個有效嘅電話號碼？

一個有效嘅電話號碼需要與你帳號所設定嘅城市電話格式配合。同時亦未曾經驗證過其他Carousell帳號。

我點樣更改我已經驗證嘅電話號碼？

轉咗電話號碼？唔緊要，前往你嘅帳號頁面 > 設定 >「編輯檔案」上更新你嘅電話號碼。

我嘅電話號碼會唔會畀其他用戶知道？

唔會，Carousell非常重視私隱，所以你嘅電話號碼唔會被公開予其他用戶。

我嘅電話號碼已經被用於驗證另一個帳號，如果我再驗證呢個帳號會點？

當你成功電話驗證新帳號，你曾使用相同號碼驗證嘅原有帳號就會被取消驗證。

如果你係多個帳號嘅持有人，並想用相同嘅電話號碼驗證你所持有嘅帳號，請聯絡我哋同示明原因。

當原有帳號被取消電話驗證，我哋會寄出email通知。而未經電話驗證嘅帳號，產品將會無法喺平台上被其他用戶見到，必須先進行電話驗證。