咩係「網店矚目」(Shoutout) ？
網店矚目 (Shoutout) 係一款強大嘅賣家工具，可以提升你嘅個人檔案同「收藏產品」*喺Carousell上嘅曝光率。透過添加引人注目嘅橫額同圖片，網店矚目讓你透過兩種主要方式：直接喺搜尋結果裡面（當買家喺搜尋結果瀏覽同你刊登嘅內容類似嘅產品）、以及透過個人化通知或電郵*，嚟吸引買家注意。
*「收藏產品」以及通知或電郵選項僅適用於CarouBiz用戶。
點樣先可以運行網店矚目？
你需要滿足以下條件先可以建立網店矚目：
- 要建立個人檔案網店矚目，你嘅個人檔案中需要有至少3件已刊登產品
- 要建立「收藏產品」網店矚目，你嘅「收藏產品」中需要有至少3件已刊登產品
- 帳號中仍有特定數量嘅旋轉金幣餘額：香港帳號至少有1,000個金幣，新加坡帳號至少有2,000個金幣，馬來西亞/台灣/菲律賓帳號至少有500個金幣
點樣建立網店矚目？
- 去到網店矚目嘅設定頁面：
- App版：撳「我」個人檔案上嘅「更多」按鈕，然後喺「銷售」設定下揀「Shoutout」。
- 網頁版：撳用戶名右邊嘅下拉式按鈕，然後揀「網店矚目」。
（又或者，如果適用嘅話，亦可以喺你嘅個人檔案橫額中揀「建立網店矚目」。）
- 撳「建立網店矚目」。
- 揀選建立邊一類型嘅網店矚目，然後就可以開始啦！
為咗網店矚目可以完整運作完成，你需要確保個人檔案或「收藏產品」中嘅已刊登產品，必須合計有至少3件產品。如果產品被刪除、標記為已保留或已售出，導致你個人檔案或「收藏產品」中，已刊登產品嘅合計少於3件產品，你嘅網店矚目就會被終止。
有邊啲唔同類型嘅網店矚目？
-
透過通知同電郵
透過個人化通知同電郵，直接去吸引精選受眾。透過通知或電郵，直接向Carousell精選嘅專門受眾發送「網店矚目」，呢啲受眾或包括：- 曾經瀏覽過或like過你嘅產品或個人檔案
- 同你私訊過或購買過產品
- 正喺度積極搵緊類似你刊登嘅產品或服務
-
喺搜尋結果裡面
透過喺搜尋結果裡面突出展示你嘅網店矚目，吸引新客戶瀏覽你嘅個人檔案或收藏產品。 只有當你嘅網店矚目被睇到嘅時候先至需要付費，以確保你從預算中獲得最大收益。
網店矚目係點樣收費？
透過通知同電郵
購買嘅時候會根據目標受眾嘅規模預先扣除旋轉金幣。你嘅網店矚目將會持續30日。如果喺呢段期間未能完全覆蓋你嘅目標受眾，對於任何錯過咗嘅受眾，系統將會按比例退回旋轉金幣到你嘅帳號。
喺搜尋結果裡面
每日根據你嘅網店矚目每達到1,000個展示次數就會扣除金幣，直至達到你設定嘅展示次數目標或者網店矚目結束為止。零碎嘅展示次數將按比例分配。你可以喺金幣紀錄頁面的「網店矚目」一欄查看你嘅總費用。
我可唔可以選擇網店矚目展示嘅產品？
網店矚目展示嘅產品，將會從你購買網店矚目當刻、你個人頁面中最新嘅30件產品之中挑選。根據受眾，系統將會自動展示最相關嘅3件產品。
目前用戶無法自行選擇所展示嘅產品，但我哋會考慮未來新增相關功能！
我可唔可以為透過通知同電郵進行嘅網店矚目選擇受眾？
透過通知同電郵進行嘅網店矚目嘅受眾，係由Carousell根據買家嘅活動而精選嘅。
目前用戶無法自行選擇佢哋嘅受眾，但我哋會考慮未來新增相關功能！
點樣查看網店矚目表現？
你可以去到網店矚目頁面，撳「睇下網店矚目」嚟評估表現。喺呢度，你會見到每個網店矚目相應嘅詳細見解。
點解我嘅網店矚目暫停咗？
如果你帳號中嘅旋轉金幣餘額少於特定數量：香港帳號少於1,000個金幣，新加坡帳號少於2,000個金幣，馬來西亞/台灣/菲律賓帳號少於500個金幣，你嘅網店矚目就會暫停。只要喺嚟緊嘅24小時內增值金幣，就可以恢復網店矚目。
點解我嘅網店矚目停止咗？
有3種情況可能令你嘅網店矚目進入「已結束」狀態：
- 你嘅網店矚目已經達到你設定嘅展示次數目標
- 你嘅網店矚目已經運行咗最長30日
- 你嘅個人檔案中、或網店矚目所連結至嘅「收藏產品」中，已刊登嘅產品少於3件。
如果產品被刪除、標記為已保留、已售出或隱藏，導致你個人檔案或「收藏產品」中，已刊登產品嘅合計少於3件，你嘅網店矚目就會被終止，並且不設退款。
我可以點樣停止網店矚目？
你只可以等到網店矚目開始運行咗24小時之後，先可以選擇停止佢。你可以透過網店矚目見解見到「停止網店矚目」嘅按鈕。
點樣可以睇到我嘅網店矚目？
由於網店矚目嘅目的係展示畀正喺到搜尋與你相關之產品嘅買家，同時亦視乎你嘅搜尋及瀏覽紀錄，你有可能唔會見到你嘅網店矚目。
因此，你唔一定會見到你嘅網店矚目。如果你想了解網店矚目嘅表現，或確保網店矚目有如常運作，你可以查看你嘅個人檔案見解。
網店矚目會唔會展示我嘅影片產品？
網店矚目只會展示圖片。對於有影片嘅產品，系統會展示該產品內嘅首張圖片。
「泵」、熱門推廣同網店矚目有咩分別？
網店矚目讓你可以展示個人檔案 / 個人品牌，配上你所提供嘅產品。同時你亦可以自訂引人入勝嘅標題，去宣傳非產品相關嘅內容。
如果你想提升多於1件產品嘅曝光率，我哋建議使用網店矚目去提升你嘅個人檔案 / 分類收藏嘅流量，以提高你所有產品嘅瀏覽量。
另一邊，熱門推廣係用作宣傳1個特定產品。如果你係想增加某個特定產品嘅瀏覽量 / 銷售，我哋建議使用「泵」或熱門推廣。