帳號執行政策
喺Carousell，我哋致力維持一個可信嘅交易平台，確保每一個交易安全、公平。為咗保護我哋嘅社群，如果用戶違反咗我哋嘅產品上載守則、社群守則或服務條款，我哋會採取相應措施。視乎違規次數，可能包括警告、帳號限制，甚至永久停權。
執行級別
警告：產品可能會被移除或隱藏。呢個提醒你需要遵守產品上載守則。
帳號限制：重複違規，例如產品問題、未解決嘅交易爭議等等，可能會帳號某啲功能（例如上載產品、私訊等等）被限制。如果涉及違反產品上載守則，你可以透過上訴按鈕確認你會遵守守則，否則可能會被限制一段時間。我哋會通知你點樣上訴。
帳號停權：持續違反產品上載守則，例如多次上載違禁品、不當行為、重複上載產品等等，可能會導致帳號暫時被停權，時間由幾星期至幾個月不等。
永久停權：嚴重或多次違規，例如嚴重違產品上載守則、未解決交易糾紛等等，可能會導致永久停權。呢種情況下將唔可以上訴。
請留意：執行處分會因應唔同違規類型而有所不同，請詳細閱讀我哋嘅社群守則同產品上載守則。
如果出現呢啲情況，應該點做？
查看通知：留意Carousell發出嘅通知，以了解違反咗邊一條規則。你可以喺app或者電郵（如果啟用咗接收電郵通知）搵到最新資訊。
如有需要提出上訴：如果你認為警告或處分係錯誤嘅，歡迎聯絡我哋並提供所有相關資料。詳情請參考呢度。
避免受到執行處分嘅小貼士：
只上載Carousell允許嘅產品。
如實提供產品描述、價錢同圖片。
所有交易都喺Carousell內進行。
同其他用戶保持尊重，友善溝通。
將警告視為提醒，而非懲罰，因為重複違規可能會導致更嚴重嘅處分。
如果你發現有用戶違反規則，歡迎向我哋舉報，而唔好自己再上載類似嘅產品。