咩係「熱門推廣」(Spotlight)？

我哋希望透過將你嘅產品放喺「熱門推廣」位置，幫你快啲賣到你嘅產品！   

  

「熱門推廣」係一個用作於平台上增加產品曝光率嘅宣傳工具。就如「熱門推廣」名稱所指，佢會將你嘅產品放喺熱門 位置！你嘅產品於搜尋結果上嘅各個分類固定置頂，或「你嘅每日精選」及「為你收藏推薦」部分，可以畀更多潛在買家見到。

「熱門推廣」保證你只需為產品得到嘅「瀏覽次數」付費。你可以設定每日消費（根據想要嘅點擊數量）及整個「熱門推廣」嘅長短。當達到你設定嘅每日目標，「熱門推廣」就會暫停。

 

我點樣可以將我嘅產品放入「熱門推廣」？

你可以透過以下兩種方法為你嘅產品設定「熱門推廣」：

(1) 一次過為單個/多個產品設定：

 

1. 喺你嘅個人檔案頁面撳「管理產品」
2. 選擇你想設定「熱門推廣」嘅產品
3. 撳「更多操作」
4. 撳「設定熱門推廣」
5. 透過設定每個產品嘅目標點擊數量、優先順序同關鍵字，使用每日消費自訂你嘅 「熱門推廣」。
6. 最後撳「進行熱門推廣」就可以嘅啦！ 

你可以一次過最多選擇100個產品嚟來設定「熱門推廣」！

請留意：如果你唔係「專業帳號」*或旋轉商店訂閱者，你將唔可以一次過為多個產品設定「熱門推廣」。呢個係「專業帳號」或旋轉商店訂閱者嘅專屬福利。如果你希望使用呢個功能，可以考慮升級至「專業帳號」或訂閱旋轉商店。

*適用於香港同新加坡。

 

(2) 為個別產品設定：

 

1. 喺你嘅個人檔案頁面選擇1個產品，然後撳「推廣」
2. 揀「熱門推廣產品」
3. 透過設定每個產品嘅目標點擊數量、優先順序同關鍵字，使用每日消費自訂你嘅 「熱門推廣」。
4. 最後撳「進行熱門推廣」就可以嘅啦！

你需要旋轉金幣先至可以購買「熱門推廣」。設定好之後，你可以透過產品預覽或者賣家工具頁面嘅「查看洞察報告」嚟追蹤「熱夢推廣」嘅點擊數量同進度。

 

我要點樣支付「熱門推廣」？

毋須安置一筆固定數量旋轉金幣支付「熱門推廣」後，再等待退回未使用嘅金幣。賣家只需要於產品收到點擊後支付金幣。當你嘅產品得到點擊，金幣會每日從你嘅結餘中扣除。你只需要於帳號有至少20嘅金幣（適用於香港）就可以開始「熱門推廣」！

 

我搵唔到我嘅「熱門推廣」產品！邊度可以搵到？

唔駛擔心！產品嘅出現係基於與每位用戶嘅關連及你所設定嘅點擊率及優先排列所決定，係為每位用戶特定。因此，你有可能唔會喺你嘅搜尋結果中見到你嘅產品。如果想檢查「熱門推廣」嘅表現，可以去到產品預覽查閱。

「查看數據」下嘅「熱門推廣」預覽或產品預覽亦可查閱。

 

點解我搜尋嘅時候，我推廣緊嘅產品冇「熱門推廣」標示？

只有當產品出現喺「熱門推廣」嘅專屬位置，先會顯示有「熱門推廣」嘅標示。

當產品出現喺「熱門推廣」嘅專屬位置，我哋先會扣除金幣。如果喺瀏覽階段入面，你嘅產品並無被安排到被推廣，就會好似一般產品咁顯示，唔會有「熱門推廣」嘅標示。

 

點解我嘅「熱門推廣」會係「暫停」狀態？

有兩種情況可能會令你嘅「熱門推廣」進入「暫停」狀態：

1. 你嘅產品被標記為「已保留」
   如果你喺嚟緊嘅24小時內取消保留產品，「熱門推廣」將自動恢復。如果你嘅產品保留超過24小時，「熱門推廣」將會停止，未使用嘅金幣將會退還畀你。
2. 金幣餘額低於最低門檻
   要令「熱門推廣」繼續運作，你帳號中需要保持特定數量嘅金幣：
   • 新加坡：100個金幣
   • 香港、馬來西亞、菲律賓、台灣：20個金幣
   只要你喺嚟緊嘅24小時內為你嘅帳號購買返足夠嘅金幣，你嘅「熱門推廣」就會恢復。

 

可唔可以停止「熱門推廣」？

絕對可以！你只需要：

1. 去到進行緊「熱門推廣」嘅產品，然後撳「推廣」
2. 搵到「熱門推廣」嘅部分，然後喺右下角撳「停止熱門推廣」
3. 撳「確認」

你嘅「熱門推廣」將會即時停止。你可以隨時撳「再次運作」開始新嘅「熱門推廣」！

 

如果我將「熱門推廣」緊嘅產品標記為「已保留」，會點呢？

如果你將該產品標記為已保留，「熱門推廣」會暫停最多24小時。如果你喺24小時內取消保留產品，你嘅產品就會自動放返入「熱門推廣」！

 

我點知我嘅產品係咪已經「熱門推廣」緊呢？

你可以於產品內或產品預覽中，查閱你嘅產品係咪已經「熱門推廣」緊。

 

「點擊次數」同「曝光量」有咩分別？

當用戶瀏覽分類或搜尋結果時，佢哋唔一定會撳入產品內。當佢哋碌過一件產品，咁就算係一個「曝光量」。當佢哋撳入產品睇多啲資料，咁就算係一個「點擊次數」。

用戶需要點入使用「熱門推廣」產品先會計算為一個「點擊次數」。另外，每個點擊係唯一嘅；即係話如果同一個用戶點入產品兩次，亦只會當一個點擊次數。

 

「熱門推廣」係咪保證產品可以成功賣出？

「熱門推廣」可以幫你產品增加更多曝光率，但係我哋無辦法保證「熱門推廣」能帶嚟讚好、私訊或出價。想確保你嘅「熱門推廣」出嚟嘅效果更好，可以將佢用喺有高質量嘅產品上。

 

「熱門推廣」同「泵」有咩分別？

「熱門推廣」同「泵」都可以改善產品曝光率，但佢哋嘅用法唔一樣。

「熱門推廣」保證你只需要為產品於計劃期間得到嘅「瀏覽次數」付費。

「泵」會喺短時間中推你嘅產品至分類最高，而無論得到幾多個「瀏覽次數」，價錢都係一樣。每個泵咗嘅產品表現會根據產品嘅需求及質素。 由我哋嘅觀察所得，賣家可以得到比普通產品平均多 2 - 4 倍多嘅瀏覽次數，因應使用唔同嘅「泵」。

你可以於產品使用「熱門推廣」時同時使用「泵」。熱門推廣」會與「泵」分開獨立運作。兩項嘅產品預覽唔唔一樣，以及可以分開顯示每項功能嘅表現。請放心，於泵得到嘅瀏覽次數係唔會計算在「熱門推廣」內。 

 

 

「產品優先順序」

 

「優先順序」係指賣家可以付費增加機會，當買家搜索和瀏覽相關項目或服務時，令產品顯示喺更突出嘅位置。熱門推廣嘅位置有限，使用優先順序嘅賣家會有更大機會得到熱門推廣位置。

但係，推廣位置仍會有其他考量因素，例如產品關聯度。當有兩個於同一分類並相同關聯度嘅熱門推廣同時進行中，只有於此情況下，使用「優先順序」嘅熱門推廣將會較無使用嘅推廣排序優先。

例子：如果一位買家搜尋 iPhone X, 兩個產品名稱為iPhone X嘅「熱門推廣」將會於爭取搜尋結局上比較突出嘅位置。優先順序嘅熱門推廣將會較先顯示。

 

如果我無使用「優先順序」，我嘅推廣係咪會有唔好嘅表現？

唔係。你嘅熱門推廣會顯示於相關嘅搜尋及瀏覽結果。我哋希望達致100%嘅每日目標。你嘅推廣表現並唔會受影響。「優先順序」係為限定時間需要得到更多曝光率及點擊率嘅賣家嘅功能 。

 

如果其他賣家所付嘅順序一樣，邊一個會被優先？

如果所有賣家所付嘅順序一樣，咁所有嘅產品會有同樣順序。因此我哋會顯示分類嘅平均順序，咁賣家可以好好運用佢哋嘅熱門推廣。我哋建議賣家於分類使用至少25%嘅推廣以上。

 

 

重點關鍵字

買家通常都會搜尋佢哋想瀏覽或購買嘅產品。作為賣家，你應該會希望放某幾個關鍵字於產品名稱及產品描述上，希望可以於關鍵字搜尋結果上出現於顯眼嘅位置。「重點關鍵字」可以幫到你！你可以付費選擇幾個你想重點推廣嘅關鍵字，而你嘅產品就會出現喺關鍵字搜尋結果上。

備註：不適用於菲律賓。

 

如果我一次過為多個產品設定熱門推廣，我選擇嘅關鍵字會唔會套用喺所有產品？

唔會。當你為多個產品設定熱門推廣，你將會見到適用於所有產品嘅完整關鍵字清單。每個關鍵字會根據相關性被標記到唔同嘅產品。當你揀好之後，我哋只會用嗰啲同凸顯你產品有關嘅關鍵字。

例如，假設你為「三星 Z Fold6 手機」同「三星 電視機」呢兩件產品設立熱門推廣。

如果你揀咗「Z Fold6」作為關鍵字，當買家搜尋該關鍵字嘅時候，只有你嘅「三星 Z Fold6 手機」產品會出現喺熱門推廣，因為佢係相關嘅產品。

 

我可唔可以使用自訂嘅「重點關鍵字」?

唔可以，關鍵字會根據你嘅產品資料自動衍生，以及會根據我哋嘅推薦排列，你只可以於推薦關鍵字列表中選擇。

 

我點知我嘅熱門推廣有冇透過「重點關鍵字」顯示？

你可以撳「詳情」按鈕，喺產品預覽頁面睇返目標關鍵字嘅點擊分佈。

 

 

如果我選擇一個「重點關鍵字」，熱門推廣係咪只會顯示喺嗰個關鍵字上？

唔係。「重點關鍵字」會幫你嘅產品得到更好嘅表現，你本來嘅熱門推廣並唔會受到影響。「重點關鍵字」係為於限定關鍵字需要得到更多曝光率及點擊率嘅賣家嘅功能 。

 

可唔可以同時使用「優先順序」及「重點關鍵字」？咁會如何收費？

可以，你可以同時使用「優先順序」及「重點關鍵字」。根據熱門推廣同優先順序設定嘅每日目標，「重點關鍵字」會喺足夠支付每個關鍵字收費嘅金幣下一直運作。