[香港] 旋轉商店功能：快速回覆及自動回覆

我哋知道管理一間商店並唔容易，尤其係當你收到嚟自唔同買家嘅大量查詢時。

作為我哋旋轉商店 (CarouBiz) 計劃嘅一部分，你宜家現在可以透過快速回覆同自動回覆功能（適用於網頁版同App版本）更好咁管理你嘅私訊查詢，咁就唔使擔心買家一直都等唔到你嘅答覆啦！

快速回覆

你可以儲存常用範本以便透過私訊傳送。最多可儲存50個範本以重複使用，簡單、方便、快捷！

自動回覆

當你無法即時回覆、尤其係當你十分忙綠或處於非辦公時間，用呢個功能設定自動回覆就最好不過！

有字符限制嗎？

快速回覆同自動回覆都限於1000個字符，我哋建議將訊息分成更短、更易理解嘅段落。

可以喺快速/自動回覆使用相片嗎？

我哋暫時唔支援相片，但我哋希望之後可以有呢個功能！

如果我已經設定自動回覆，會繼續收到通知嗎？

放心，你仍然會收到通知，我哋都唔希望你錯過任何潛在嘅交易。

如果有位用戶多次私訊我，自動回覆會幾耐傳送一次？

同一件產品，同一位用戶只會每24小時收到一次嚟自你嘅自動回覆。

如果我喺線上但又設定咗自動回覆，我嘅回覆仍然會傳送出去嗎？

會，無論你嘅狀態係咪在線上，自動回覆都會喺設定嘅時間傳送。

點樣設定自動回覆嘅時間？

設定嘅時間將由你所選嘅日期開始。

例如，如果你選擇咗星期一晚上8點至早上8點，你嘅自動回覆將會由星期一晚上8點至星期二早上8點呢段時間內傳送。

如果雙方（買家同賣家）都各自設定咗自動回覆，雙方嘅自動回覆會同時傳送嗎？

呢種情況下只有賣家嘅自動回覆會被傳送。