[香港] 咩係旋轉商店 (Caroubiz)？

旋轉商店（簡稱CarouBiz）係一個星級賣家工具嘅付費計劃，幫助賣家推廣業務。呢啲星級工具可以幫賣家喺旋轉拍賣平台上，好似虛擬展場咁向買家直接展示產品！

旋轉商店計劃包括啲咩功能？

2024年11月價格

請注意：

• 訂閱月費計劃所獲得嘅Carousell旋轉金幣，將會喺發放到你帳號後3個月（90日）過期。更多關於Carousell旋轉金幣嘅資料，歡迎參考呢度。
• 額外泵折扣將自動套用。最終折扣價格會顯示喺購買頁面內。
• 每次購買旋轉金幣嘅金幣回贈，將會喺購買金幣後立即發放到你嘅帳號。 購買熱門推廣嘅金幣回贈，將會根據你每日運行嘅熱門推廣嘅費用、喺每日結束時發放到你嘅帳號。免費嘅旋轉金幣將會喺發放後30日過期。金幣數量根據你訂閱嘅計劃而設定上限，並將會喺每個曆月嘅第一日更新。喺發放免費嘅金幣時，帳號必須係CarouBiz訂閱者先有資格獲得回贈。
• 分類回覆限額福利將會喺訂閱後自動分配到你嘅帳號。例如，你預設嘅免費分類回覆限額係10個限額。如果有2倍加乘嘅福利，你將享有20個免費限額。
• 除咗服務同汽車分類之外，其他分類都可享有限額加乘嘅福利。福利將會喺訂閱後自動分配到你嘅帳號。例如，你預設嘅免費一般產品分類刊登限額係10個限額，如果有1.3倍加乘嘅福利，你將享有13個免費刊登限額（向下調整至最接近嘅整數）。

 

透過電腦網頁版以享受更多CarouBiz優惠及計劃

透過電腦網頁版訂閱CarouBiz計劃可慳高達10%費用。如果你目前透過app訂閱咗CarouBiz，只需要根據呢度嘅步驟轉換即可。

一旦你喺網頁版訂閱折扣咗嘅CarouBiz計劃，折扣價格將會喺每次續訂時自動套用。

 

我點樣可以訂閱CarouBiz？

如果你喺網頁版訂閱，可以享有高達95折優惠！如果你目前已經透過App訂閱，只需要喺手機上選擇取消訂閱即可。取消後，你依然可以繼續享用旋轉商店嘅功能，直至原有訂閱期結束。

喺手機App結束訂閱之後，你就會見到可以透過電腦網頁版訂閱嘅折扣咗嘅CarouBiz計劃。透過網頁版訂閱折扣咗嘅CarouBiz計劃，折扣價格將會喺每次續訂時自動套用。

網頁版

1. 喺個人檔案頁面，撳「Caroubiz」
2. 選擇CarouBiz計劃，然後撳「立即訂閱」
3. 你會被帶到信用卡付款嘅頁面

手機App版

1. 喺「我」頁面，撳「Caroubiz」按鈕
2. 選擇CarouBiz計劃，然後撳「立即訂閱」*
3. 撳「購買」(Android) 或「確認」(iOS)，咁就得㗎啦！

*如果你之前未曾為App Store / Play Store帳號綁定有效嘅信用卡，你可能會需要新增付款方式。

Caroubiz將會自動續期，直至你選擇取消為止。

 

點樣升級或降級我嘅Caroubiz計劃？

首先請確保你係用緊最新版本嘅Carousell app。

重要提示：要查看或管理你嘅Caroubiz計劃，你需要用返當初訂閱計劃嘅同一平台。例如，如果你係透過手機App訂閱Caroubiz，咁你就需要用返手機App去查看或管理你嘅Caroubiz。如果你係透過網頁訂閱Caroubiz，你就需要同樣透過網頁查看或管理你嘅Caroubiz。

1. 喺個人檔案頁面，撳落你嘅Caroubiz menu。
2. 喺App入面，撳頁面右上角嘅三點圖示。如果係網頁版，撳「管理訂閱」
3. 撳「更改訂閱」以查看可選擇嘅計劃
4. 選擇好計劃後，撳「立即訂閱」以進行購買
5. 完成後，你嘅Caroubiz menu就會顯示最新嘅訂閱計劃㗎啦！

 

當我升級或降級 CarouBiz 計劃時會發生咩事？

如果係升級，新計劃嘅功能就會立即生效，亦會更新訂閱嘅續期日。金幣會按比例計算發放到你嘅帳號。同時，舊有計劃亦會按比例退款到你原本嘅付款方式。

至於降級，你可以喺下一個續期日之前繼續享受現有計劃嘅功能。

 

我點樣取消我目前嘅Caroubiz訂閱？

重要提示：要成功取消你嘅Caroubiz訂閱，你必須要用當初訂閱計劃嘅同一個平台去取消。例如，如果你係透過手機App訂閱Caroubiz，咁你就需要用返手機去App Store / Play Store取消。如果你係透過網頁訂閱Caroubiz，你就需要同樣透過網頁取消訂閱。

對於iOS同Android，你只能夠透過前往 App Store (iOS) 同 Google Play Store (Android) 嘅訂閱項目頁面進行取消。目前iOS同Android都唔支援Carousell手機App內取消訂閱。

取消訂閱後，Caroubiz會維持有效，直至過期日期。亦即係指，喺下一次收費日期前，你都可以繼續使用到旋轉商店嘅功能。當訂閱過期後，除非你重新訂閱，否則你就會無法使用旋轉商店嘅功能，亦唔會被收取費用。

可唔可以要求退款Caroubiz？

正如我哋Carousell條款及細則入面列明，Caroubiz訂閱係不設退款。

當因違反條款及細則令帳號遭到停權、又或者有任何內容被移除，當中所涉及嘅任何Carousell費用同樣亦唔會設有退款。

如果你係因為唔小心、又或者係其他原因訂閱咗Caroubiz而想退款，請到Apple或Google嘅支援頁面。

 

我可唔可以轉移我嘅Caroubiz訂閱嘅擁有權？

唔可以，你唔可以轉移你嘅Caroubiz訂閱至其他帳號。

 

我點樣用現金支付我嘅訂閱？

Caroubiz訂閱係唔接受現金支付。所有手機App內嘅付款都會由Apple或Google處理，視乎你手機設備類型。至於網頁版訂閱，我哋只接受信用卡或扣帳卡。

點樣更改訂閱Caroubiz嘅信用卡？

如果係網頁版，請取消你嘅訂閱，然後繼續享用星級功能直至訂閱期結束。當訂閱結束後，你就可以為你下一次訂閱新增另一張信用卡。 如果係手機App，你會需要前往App Store或Play Store設定更改。你可以到Apple或Google支援頁面了解更多。

 

*如想查詢提供客戶經理服務嘅Caroubiz計劃（帳號設有紫色優質賣家勳章），可前往呢個頁面同聯絡我哋團隊。

 

每個CarouBiz訂閱計劃都需要遵守呢度嘅條款及細則。

如果你對CarouBiz計劃有任何問題，歡迎隨時聯絡我哋團隊。