[香港] 點樣為買家設定送貨/訂單優惠？

透過為啟用咗「平台收款功能」嘅產品設定送貨或者訂單優惠，並設定最低消費標準，鼓勵買家向你買多啲嘢。

設定送貨優惠

你可以透過個人檔案頁面上嘅「睇晒全部」>「折扣及優惠活動」進行設定。

撳「建立送貨優惠」，然後喺「免運費」同「運費半價優惠」之間切換，再選擇優惠嘅最低消費標準。

請留意，現階段，所有設定咗嘅優惠將會適用於你已經啟用咗「平台收款功能」嘅產品上嘅所有送貨選項。如果你編輯呢啲優惠，將會影響所有已刊登產品以及嚟自潛在買家嘅訂單嘅優惠標準。同一時間只可以設定一個送貨優惠。

假如Carousell為購買多件產品嘅訂單提供全平台嘅送貨優惠，由於每次只可以使用一個送貨優惠，無論提供嘅優惠金額係幾多，你自己設定嘅送貨優惠都將會優先於Carousell提供嘅優惠。

設定訂單優惠

撳「建立訂單優惠」，然後喺「% off」同「HK$ off」之間切換以選擇你想要嘅折扣類型，再選擇優惠嘅最低消費標準。

喺建立之前，可以先撳「預覽優惠」作最後檢查：

所有設定咗嘅優惠將會適用於你已經啟用咗「平台收款功能」嘅產品嘅訂單。如果你編輯呢啲優惠，將會影響所有已刊登產品以及嚟自潛在買家嘅訂單嘅優惠標準。無論優惠金額係幾多，你自己設定嘅優惠將會凌駕任何進行中嘅平台優惠，並會優先於Carousell提供嘅優惠。