為啟用咗平台收款功能嘅產品，設定預設運送方式
如果想為所有啟用咗平台收款功能嘅產品，設定預設運送方式，請到你嘅個人檔案頁面 >「全部」圖示 > 銷售偏好 > 預設送貨方式。
喺呢個頁面，你可以一次過為所有產品啟用預設運送方式。你可以選擇套用喺所有目前已刊登嘅產品，或者將佢儲存為默認設定（喺下一次刊登產品嘅時候套用）。
只有啟用咗平台收款功能嘅產品，先可以為產品安排送貨。可以啟用平台收款功能嘅特定產品分類如下：
標準運送（Carousell官方合作快遞）
如果你選擇標準運送，Carousell官方合作快遞將會預設為你所有已刊登產品嘅運送方式。
自訂郵寄
另一種運送方式係你自行安排你想用嘅快遞公司。呢種方式將視為自訂郵寄。你可以將運送日期設定為最多30個工作日，並且將運送設定為免費或者由買家畀錢。
同樣道理，設定後你所有嘅產品將會啟用你選擇嘅預設運送方式。
請留意由2024年5月13日起有關標準運送同自訂郵寄嘅改動。標準運送淨係指Carousell官方合作快遞。而自訂郵寄則係指由賣家自己自行安排嘅運送。
如果想為某一件產品更改運送方式，你可以單獨編輯該件產品嘅運送方式。請留意，你編輯產品時所做嘅任何改動，都將會覆寫預設嘅運送方式。
如果您想停用預設運送方式，只需要向左切換就可以。
無論係咪設定成功，我哋都會向你傳送一封電郵*，通知你有關產品預設運送方式嘅改動。如果有啲產品唔能夠使用標準運送作為預設運送方式，好有可能係包裹嘅尺寸超出咗可以接受嘅範圍。
*請確保你喺Carousell嘅個人檔案設定中已經啟用電子郵件通知