[香港] 賣家回覆限額
由2023年12月11日開始,每位賣家每個月喺每個分類下可以回覆嘅獨立買家數量將設有限額。賣家每回覆一位全新買家,將會扣除一個回覆限額。
賣家嘅回覆限額每個月會喺固定嘅日期更新,具體日期取決於首次使用限額嘅日期。如果首次使用限額嘅日期係任意一個月嘅31日,咁限額將預設喺每個月最後一日更新。
截至2024年1月每個分類嘅回覆限額:
以下情況將會扣除賣家回覆限額:
- 首次回覆一位新買家嘅私訊;或者
- 接受/拒絕嚟自一位新買家嘅出價
只要賣家喺特定買家度已經使用咗一個限額,同嗰位買家之後嘅所有私訊都唔會再扣除限額。限額嘅計算同產品、分類、時間無關。
以下情況唔會扣除賣家回覆限額:
- 之前已經回覆過嚟自同一位買家嘅私訊
- 冇回覆嚟自新買家嘅私訊
- 有「網店矚目」正在運作
- 透過旋轉商店計劃內嘅「自動回覆」回覆私訊
- 同 @carousell_assistant 嘅私訊
- 產品有「熱門推廣」正在運作
- 產品喺過去兩日有「泵」過
喺2023年12月11日之前同買家已經有嘅私訊會點?
如果你喺2023年12月11日前過去3個月內同買家已經有過私訊,咁而家再同嗰啲買家私訊將唔會扣除回覆限額,意味著你可以自由咁回覆熟悉嘅買家!
點樣查看回覆限額?
當你已經使用咗任何分類下80%或更多嘅回覆限額,又或者已經達到回覆上限嘅時候,我哋會透過一個橫額通知你。撳入橫額嘅資訊圖示(i),會進一步提供你喺唔同分類下已使用嘅回覆限額數量。如果你見唔到呢個橫額,請放心,代表你仲有充足嘅免費回覆限額可以使用!
當回覆限額達到上限嘅時候會點?
嚟自新買家嘅私訊將會顯示為灰色,並標記為「被保留」。你將唔可以回覆新買家嘅私訊,除非你獲得無限回覆限額或者等到下一個限額更新日期。
如果想回覆超過分類中分配嘅限額或者獲得無限限額,可以點做?
你可以有3種方法:
- 等到你嘅每月回覆限額更新。
- 訂閱旋轉商店Starter計劃或更高級嘅計劃,以享有無限回覆限額以及其他星級賣家工具。更多關於旋轉商店嘅詳情可以參考呢度。
- 使用旋轉金幣購買,以喺一段時間內(例如:3日或7日)享有無限回覆限額。
-
- 無限回覆限額時間由使用金幣購買當日起開始,1日等於24小時。
- 購買唔同嘅無限回覆限額套餐,可以疊加無限回覆限額嘅日數。
- 例如,喺1月10日,你喺下午1點購買咗3日無限回覆限額呢個套餐,之後下午2點又購買咗7日無限回覆限額呢個套餐。你將可享有10日嘅無限回覆限額,直至1月20日下午1點。
- 每位賣家任何時候透過使用金幣購買嘅方式,最多只可享有90日無限回覆限額日數。
未使用嘅回覆限額可以累積嗎?
未使用嘅回覆限額唔可以累積。
如果免費嘅回覆限額未被使用,將會喺下一個更新日期,重設回原來嘅免費回覆限額數量。
可以將回覆限額轉移到其他分類嗎?
每個回覆限額都係分配畀特定產品分類嘅,唔可以進行跨分類轉移。