[香港] 透過Carousell直播進行銷售
Carousell直播係一項畀你透過Carousell app內嘅直播影片，向買家進行銷售嘅功能。你可以即時展示你嘅產品，並同收睇直播嘅觀眾進行互動。
直播期間有三種銷售方式：
僅「拍賣」 (Auction)：進行即時拍賣，畀買家即時競投。非常適合收藏品、獨特嘅物品，以及需求可能會推高售價嘅產品。
僅「即時購買」 (Buy Now)：以固定價格提供產品，畀買家喺直播期間即時購買。適合擁有大量庫存或固定價格庫存嘅賣家。
拍賣+即時購買 (Auction + Buy Now)：喺同一場直播中結合上述兩種方式。拍賣部分精選產品以帶動氣氛同互動；同時提供其他產品，以固定價格直接出售。
所有交易都係透過Carousell完成。
以下係Carousell直播畫面嘅例子：
直播畫面例子：
僅「拍賣」：
點解要進行直播？
直播有助你接觸搜尋範圍以外嘅買家，喺單次直播中展示多件產品，同觀眾直接互動，提升網店知名度，並加快庫存週轉。
邊個可以進行直播？
Carousell直播目前僅開放畀特定嘅Carousell帳號賣家，包括「專業帳號」同高銷量賣家。
如果你有興趣，歡迎提交申請，我哋團隊會評估你係咪符合資格：https://college.carousell.com/hk/hk-live-selling-form/。*
*目前僅開放香港同新加坡市場申請
請話畀我哋知你嘅網店資訊、銷售嘅產品以及庫存情況，以便我哋為你配對最合適嘅直播形式。
提交表格後會點樣？
團隊將會審核你嘅申請，如果你嘅申請入選下一輪，我哋會喺兩個工作日內聯絡你。
如果你呢一輪冇被選中，我們會將你嘅申請保留，以便納入日後其他直播嘅考量之中。
我被選中！點樣使用Carousell直播？
當你符合直播資格，Carousell app 內嘅「我」嘅個人頁面將會出現「直播」選項。點擊即可以使用你嘅直播銷售工具，並開始準備你嘅首場直播。
如果你見唔到該選項，請確保你使用嘅係最新版本嘅Carousell app，或者聯絡你嘅Carousell專員尋求協助。
進行直播
可以喺Carousell直播中銷售咩嘢？
Carousell直播目前專注於喺直播銷售模式中表現較佳嘅產品分類，包括：
集換式卡牌 (TCG)
收藏品
名牌產品
女裝/男裝
電子產品，例如手機同電子配件
其他產品分類將視乎個別情況予以考慮
一場直播通常維持幾耐？
賣家必須直播至少一小時。根據你嘅庫存以及觀眾互動嘅情況，直播時間最長可達三小時。
可唔可以引導觀眾去我自己嘅社交媒體頻道或網站？
唔可以。直播期間，賣家嚴禁引導觀眾去其他外部渠道，例如Instagram、Telegram、TikTok、Facebook、WhatsApp或個人網站等。
所有透過Carousell直播產生嘅購買同交易，都必須喺Carousell平台內完成。
可以取消已經安排好嘅直播嗎？
由於直播會配合預先策劃嘅推廣同營運活動，我哋要求賣家盡可能遵守預定嘅直播時段。
如果有突發情況需要取消，請喺預定直播時段開始前至少48小時，聯絡你嘅Carousell專員。
可以使用多部裝置進行直播嗎？
📱主持人：僅限透過app操作
💻 管理員：僅限透過網頁版操作
付款、送貨及售後服務
我可以喺邊度睇到Carousell直播嘅交易記錄？
請去到「我」嘅嘅人頁面 →「我嘅銷售」，即可睇到嚟自直播嘅交易記錄，包括已完成嘅訂單同付款狀態。
我幾時以及點樣收到款項？
當買家為訂單點擊「已收取訂單」後，Carousell直播訂單嘅款項即可提取至你綁定嘅銀行戶口。
如果你喺首次使用Carousell直播進行銷售，你必須完成一次身份驗證 (KYC) 先至可以提取餘額。歡迎透過呢度了解點樣綁定銀行戶口。
如果買家冇為訂單點擊「已收取訂單」呢？
訂單會喺透過可追蹤運輸成功送達嘅2天後，由系統自動標記為已完成，之後款項將發放至你綁定嘅銀行戶口。
如果買家唔付款會點？
大多數情況下，唔會發生呢種情況。無論係透過「拍賣」或「即時購買」方式，當交易完成時，系統都會自動從買家綁定嘅付款方式中扣款。
付款問題並唔常見，通常只有喺買家嘅銀行或付款服務商出現扣款失敗時先會發生。
直播銷售會收取費用或佣金嗎？
會嘅。透過Carousell直播完成嘅交易，將收取6%嘅全包費用，當中包括支付處理費。呢筆費用將喺每次交易中，自動從你嘅收入中扣除。
支援同指引
直播期間，我需要遵守邊啲守則？
係嘅，所有直播都必須遵守Carousell嘅社群守則同賣家政策。平台上嘅違禁品以及行為守則同樣適用於直播。
直播前或直播期間點樣尋求協助？
一旦你被選中，將會有Carousell專員引導你完成啟動流程，並喺你直播前同直播期間為你提供支援。