最符合結果：透過新嘅搜尋算法得到更好，更相關嘅搜尋結果

我哋推出咗全新及改良咗嘅搜尋算法 — 最符合結果！

備註：最符合結果暫時只適用於新加坡、菲律賓、台灣和香港嘅部份用戶。

最符合結果係一個新嘅搜尋算法，可以喺多個搜尋條件中獲得一個最好嘅平衡，例如產品與搜尋字眼嘅相關性、新舊、受歡迎程度及質素。呢個新嘅排序會取代現有嘅最受歡迎排序算法。

最符合結果係點運作？

最符合結果使用先進嘅機械學習算法達致更好嘅搜尋體驗。同之前最受歡迎嘅排列比較，有以下幾個重要分別：

• 顯示更多與你搜尋字眼相關嘅結果（減少不相關／較差嘅結果）
• 顯示更多新／近期嘅產品
• 綜合重要排序條件（近期、價錢...等）嘅搜尋結果

App 會唔會儲存我嘅排序偏好（例如：近期）嗎？

我哋決定只於同一個搜尋週期保留用戶最後設定嘅排序。一個搜尋週期嘅意思為連續一連串搜尋，而期間無退回瀏覽頁面或退出App。以最符合結果作爲預設排序，唔單止可以提升你嘅搜尋體驗，亦可以幫助你發現更多有趣及相關嘅物品。近期排序只會根據產品刊登時間排列結果，而最符合結果則綜合多個重要嘅搜尋條件（包括近期，相關性，受歡迎程度及質素）。

我可以點樣改善我嘅產品於搜尋結果嘅排名？

搜尋算法會將最接近買家搜尋字眼嘅產品放喺優先位置。為幫助我哋辨認你嘅產品，並將佢與相關搜尋結果配對，使用精準嘅產品名稱、描述及正確嘅產品歸類係非常之重要。想知更多貼士，可以參考賣嘢小貼士。

點解用最符合結果排序，搜尋結果會少咗？

最符合結果排序更加重視相關性，因此某啲搜尋字眼嘅搜尋結果可能比以往少。但係，你就可以享受到更滿足嘅購物體驗，同埋高質素、高相關性嘅搜尋結果。

我買咗泵／熱門推廣，佢哋會唔會出現喺最符合結果排序？

會㗎！

如果你對新推出嘅最符合結果排序有任何意見，歡迎同我哋分享。