產品圖片嘅小Tips

當買家瀏覽產品時,一張好嘅產品圖片能夠迅速吸引買家嘅注意力。點樣增加你嘅產品的吸引度,取決於你如何拍攝你嘅產品。
 
等我哋分享一下幾個可以令你嘅產品圖片更靚更吸引嘅秘訣:
 

1. 使用最適合該產品嘅圖片比例

除咗正方形之外,而家Carousell旋轉拍賣支援唔同嘅圖片比例,你可以好好運用,下列為目前支援嘅圖片比例:
 
image_preview.png
 
你現時所上傳嘅圖片,可以選擇下列唔同嘅長寬比例:
2:1, 1:1, 2:3, 4:2, 3:2 3:4, 3:5 

咁即係話:

你唔駛擔心產品圖片會被裁切成正方形,你就可以自由選擇上傳該產品嘅直向/橫向圖片。

喺何時應該使用直向/橫向圖片呢?

當你以旋轉拍賣app影相時,你可以打橫/打直電話以拍出直向/橫向圖片。當你想展示車、房屋或是書枱等需要寬度展示嘅產品,建議你使用橫向圖片。而直向圖片通常建議用於長裙、 iPhone、手袋或較高長嘅產品等等。

2. 使用多張圖片展示你嘅商品

你可以選擇最多 10 張圖片嚟展示你於旋轉拍賣上嘅產品。展示唔同角度、細節、瑕疵、包裝或相關購買證明,咁買家就可以對你嘅更清楚了解。

  • 拍攝一張產品喺日常生活中嘅照片 (例如:如果產品為一對鞋,可以展示穿著該對鞋時所呈現嘅情況)
  • 俾買家知道應該如何使用產品 (例如:喺拍攝果汁機圖片時,喺旁邊放一啲水果,俾買家知道產品的使用方式)
  • 展現產品唔同角度 (例如:拍攝同一件 T-Shirt 嘅正面同背面)
  • 展現產品嘅細節同使用痕跡 (例如:拍攝手機角落嘅刮痕等痕跡)

3. 保持畫面簡單並將重點置中 

喺乾淨嘅背景下拍攝你嘅產品,同時你亦可以考慮使用唔同材質嘅背景,令你產品更吸引。

  • 使用對比顏色令產品突顯喺畫面中。
  • 移除不相干嘅物品,避免畫面凌亂。尤其喺產品嘅封面照片,更加要注意此重點。

image_preview.jpeg

4. 注意對焦

確認你嘅圖片有正確對焦,以顯示完整細節。拍攝時,喺畫面中輕點該物品,令相機鏡頭對焦於你嘅產品上。
image_preview__1_.jpeg
 

5. 使用清晰嘅光源 

光係一張完美圖片中最重要嘅元素。喺嘗試唔同的光線對比後,相信你可以拍攝出更好嘅產品圖片。
  • 將產品放喺窗附近: 拍攝較細物品時,可以將物品放喺窗嘅左或右邊。
  • 避免陽光直射: 唔好將產品直接放喺窗前、正午嘅太陽下拍攝,咁樣嘅照片通常品質不佳。

6. 唔好使用網上圖庫圖片

除非你售賣嘅係預購產品,否則請避免使用網上圖庫中嘅圖片。買家通常會想睇到產品嘅實際照片,以得知產品狀態與細節。使用實際真實嘅產品圖片,可以節省你同買家嘅溝通時間並加快賣出產品!

這篇文章是否有幫助?
145 人中有 133 人覺得有幫助
還有其他問題?提交請求

評論

0 條評論

文章評論已關閉。