點樣管理我嘅推播同電郵通知？

如果要緊貼你嘅Carousell活動，請檢查你嘅手機設定，確保Carousell app已經啟用通知。

你亦可以喺app入面管理你嘅推送同電郵通知偏好設定，選擇想要接收嘅Carousell更新。

要管理你嘅通知偏好設定：

1. App版本：請撳右下角嘅個人檔案「我」頁面；網頁版：請撳右上角嘅「我嘅帳號」頁面

2. 揀「設定」

3. 揀「設置及私隱」

4. 揀「推播通知」

5. 根據你嘅需求，切換你嘅通知設定

私訊以及出價嘅電郵通知

私訊以及出價嘅電郵通知將會按照你嘅帳號類型發送。

如果你係「個人帳號」，你會收到未讀私訊以及出價嘅每日摘要。

如果你係「專業帳號」，你可以選擇幾時接收未讀私訊以及出價嘅電郵通知：

• 「每日一次」：我哋會發送未讀私訊以及出價嘅每日摘要畀你

• 「即時接收」：當有未讀私訊或者出價，我哋會即時發送電郵通知畀你

你可以喺推播通知入面嘅「交易」一欄中管理相關設定。

新刊登產品嘅電郵通知

由2026年5月18日起，我哋唔再發送新刊登產品嘅電郵通知。

刊登新產品之後，你可以係成功刊登頁面睇到新產品係咪已經成功刊登。

點解我唔可以關閉交易通知？

交易通知包括同即時私訊、出價以及評論相關嘅重要更新。

為咗確保你唔會錯過呢啲更新，你需要至少開啟一個通知渠道。你可以選擇推送通知、電郵通知或者兩者同時開啟，但係你唔可以完全關閉所有交易通知嘅渠道。