假客服、假員工、假買家詐騙示例
小心查證對方身分，切勿輕易相信可疑網址連結、電郵、訊息、QR code等等！
咩係假客服、假員工、假買家詐騙？
- 【🔥🔥🔥 最新！】喺私訊中，騙徒會假扮Carousell嘅客服，話你需要完成通過「用戶驗證」，並指示你需要於120分鐘內完成操作。
- 喺私訊中，騙徒會假扮Carousell嘅客服／員工／買家，話你嘅「賣場異常」或者「無法下單」，令到資金（款項、金錢、錢包或其他類似字眼）被凍結，並聲稱出現上述情況係因為你帳號仲未完成「升級認證」（簽署協議、簽署保障、完成繳款或其他類似字眼），指示你需要聯絡「客服」並完成金流驗證後，先可以解鎖資金同帳號，否則你嘅帳號就會被凍結。
- 通常，騙徒會提供一個連結或QR code，要求你撳連結或者scan QR code去聯絡所謂嘅Carousell「客服」。有時，騙徒都可能要求你提供電郵地址或電話號碼畀佢哋，聲稱之後會有「客服」聯絡返你。喺「假客服」同你溝通嘅過程中，佢哋會要求你轉賬指定資金畀佢哋，又或者要求你提供信用卡／銀行帳號等個人資料，以解鎖你嘅Carousell帳號或者完成帳號驗證。好多時騙徒都會營造一種緊迫感，聲稱如果你唔即刻照做，Carousell帳號就會永久停權，誘騙你儘快畀錢同完成佢哋嘅指示。
詐騙圖示
假客服／假員工謊稱你嘅Carousell帳號有問題，提供連結或QR code，指示你去聯絡所謂嘅「客服」：
假買家聲稱需要你提供電郵地址／電話號碼，先可以完成付款，並且往往要求你以非正常嘅格式提供相關資料：
⚠️ 請注意，Carousell官方客服團隊「唔會」：
- 以網址連結、電郵、訊息、QR code等方式通知用戶完成驗證或是資金（款項、金錢、錢包或其他類似字眼）被凍結
- 喺App或官網以外嘅地方（例如：電郵、訊息）要求用戶提供完整嘅信用卡或銀行帳號資料，亦唔會要求用戶提供信用卡或銀行帳號資料嚟進行所謂嘅「升級認證」或「解鎖資金」（款項、金錢、錢包或其他類似字眼)
- 以網站連結或QR code方式引導用戶到其他第三方外部網站
要聯絡Carousell官方客服團隊，請透過官方幫助中心 support.carousell.com 進行：
- 留言：點選幫助中心頁面 (support.carousell.com) 右下角嘅「留言」按鈕
- 聯絡表格：喺幫助中心呢度提交你嘅請求
最後再次提提你：Carousell官方客服團隊「唔會」以網址連結、電郵、訊息、QR code等方式引導用戶至外部第三方網站，繼而要求用戶登入帳號驗證授權、更新或提供信用卡／銀行帳號等資料，亦唔會要求用戶轉賬過數去解鎖帳號等等。請勿隨便撳不明連結以及scan來路不明嘅QR code並提供任何個人資料。如果有疑問，請透過上述方法先聯絡Carousell官方客服查證。