聲稱來自Carousell嘅釣魚電郵及可疑網站

如何知道網站係咪來自Carousell？ 

所有Carousell嘅網站皆以 carousell.com 結尾！請檢查網址欄位並確保網址以 carousell.com 結束。

其他網址都可能包含 “carousell” 但並唔一定代表係來自Carousell。千祈唔好上當：釣魚網站可能會使用包含或類似 “carousell” 在內嘅網址，例如：carouseli.com, carouse11.com, caruosell.com, twcaroucell.com, carousull-tw.com...等，呢啲都唔係來自官方嘅網站！

-------------------------- 

收到嚟自 "旋轉拍賣/Carousell" 並連結至第三方網站要求提供電子郵件、密碼及信用卡或任何個人資訊？好有可能唔係來自我哋。

以下係幾個保護帳戶安全及辨識可疑電郵嘅貼士：

如何知道電郵係來自Carousell？

Carousell嘅電郵都會來自 @carousell.com/@thecarousell.com，檢查寄件者嘅電郵地址並確沒有任何拼寫錯誤。

除咗旋轉拍賣網站 (http://carousell.com/) 、幫助中心 (https://support.carousell.com/hc/zh-hk) 嘅連結，我哋唔會引導你至其他網站要求填寫以下資訊：

• 電子郵件
• 密碼
• 信用卡或扣賬卡資料
• 電話

如果電郵包含無法辨識嘅連結，請勿開啟或點擊。如果已經開啟，切勿於該網站提供任何個人資料。

旋轉拍賣絕不會透過第三方供應商或網站要求付款，所有付款流程僅限於應用程式內。

如果我已經點擊咗連結及提供個人資料點算？

1. 更改Carousell帳戶密碼並加強密碼嘅強度及獨特性

2. 更改所有其他使用相同電郵及密碼組合嘅網站帳號

3. 如果已提供付款資訊，請聯絡你嘅金融機構避免被盜用

   • 如果你檢查帳單並發現可疑或異常交易，我哋強烈建議你立即聯絡金融機構

4. 將你收到包含寄件者電郵或包含連結嘅對話截圖提供畀我哋，或透過提交請求聯繫我們。

如果電子郵件或帳號資訊非經你的同意被更改，請聯絡我哋。

如何確保帳號安全？

收到要求提供個人資料嘅電郵時請格外小心。

• 確認寄件者嘅電郵地址，檢查是否合理正當或含有拼寫錯誤
• 切勿點擊宣稱來自Carousell嘅可疑連結 （仔細檢查連結網址URL！）
• 切勿回覆要求提供密碼、信用卡/扣賬卡資訊或任何個人資料嘅電郵