咩係網店矚目 (Shoutout) ？
網店矚目 (Shoutout) 係新嘅賣家工具，讓你可以透過引人入勝嘅圖片及標題，宣傳個人檔案和分類收藏產品*。當買家係Carousell平台搜尋或瀏覽相關產品時，就會睇到你嘅個人檔案。
*分類收藏選項只適用於CarouBiz用戶
購買咗網店矚目嘅個人檔案會於相關產品分類中出現，展示畀搜尋類似產品嘅買家睇。
如何購買網店矚目？
目前用戶只能透過App購買網店矚目。
要使用網店矚目，首先你個人檔案嘅已刊登產品中，必須合計有至少3個產品。如果想用網店矚目嚟宣傳「收藏產品」，請確保你「收藏產品」中嘅已刊登產品，需要合計有至少3個產品。
- 撳喺任何一件產品下方嘅「宣傳」按鈕，以前往賣家工具頁面
- 揀選「建立網店矚目」
- 選擇連結網店矚目至你嘅個人檔案頁面或分類收藏產品
- 自訂並輸入標題
- 揀選網店矚目宣傳日數（3天、7天、15天或30天）
- 使用旋轉金幣付款，確認購買
- 查看個人檔案見解頁面，睇睇網店矚目係咪已經成功發佈
於任何時間，你只可以購買1個網店矚目。
為咗網店矚目可以完整運作完成，你需要確保個人檔案或「收藏產品」中嘅已刊登產品，必須合計有至少3個產品。如果產品被刪除、標記為已保留或已售出，導致你個人檔案或「收藏產品」中，已刊登產品嘅合計少於3個產品，你嘅網店矚目就會被終止。
我可唔可以選擇網店矚目展示嘅產品？
網店矚目展示嘅產品，將會從你購買網店矚目當刻、你個人頁面中最新嘅20個產品之中挑選。根據瀏覽/搜尋嘅用戶，系統將會自動展示最相關嘅3個產品。
目前用戶無法自行選擇所展示嘅產品，但我哋會考慮未來新增相關功能！
如何查看網店矚目表現？
要查看網店矚目嘅表現，你可以透過點選「我」> 「見解」，以查看你網店矚目嘅曝光、點擊和個人檔案瀏覽次數等方面嘅表現。
點解我嘅網店矚目停咗？
為咗網店矚目可以完整運作完成，你需要確保個人檔案或「收藏產品」中嘅已刊登產品，必須合計有至少3個產品。
如果產品被刪除、標記為已保留、已售出或隱藏，導致你個人檔案或「收藏產品」中，已刊登產品嘅合計少於3個，你嘅網店矚目就會被終止，並且不設退款。
如果已經達到最大展示次數，你嘅「網店矚目」亦可能會停止。
我點樣可以睇到我嘅網店矚目？
由於網店矚目嘅目的係展示畀正喺到搜尋與你相關之產品嘅買家，同時亦視乎你嘅搜尋及瀏覽紀錄，你有可能唔會見到你嘅網店矚目。
因此，你唔一定會見到你嘅網店矚目。如果你想了解網店矚目嘅表現，或確保網店矚目有如常運作，你可以查看你嘅個人檔案見解。
網店矚目會唔會展示我嘅影片產品？
網店矚目只會展示圖片。對於有影片嘅產品，系統會展示該產品內嘅首張圖片。
「泵」、熱門推廣同網店矚目有咩分別？
網店矚目讓你可以展示個人檔案 / 個人品牌，配上你所提供嘅產品。同時你亦可以自訂引人入勝嘅標題，去宣傳非產品相關嘅內容。
如果你想提升多於1個產品嘅曝光率，我哋建議使用網店矚目去提升你嘅個人檔案 / 分類收藏嘅流量，以提高你所有產品嘅瀏覽量。
另一邊，熱門推廣係用作宣傳1個特定產品。如果你係想增加某個特定產品嘅瀏覽量 / 銷售，我哋建議使用「泵」或熱門推廣。
網店矚目將會代替「宣傳個人檔案」
如果你喺網店矚目推出之前，使用咗「宣傳個人檔案」，該功能將會繼續如常運作直至完結。同時，你亦已經可以開始購買網店矚目。
你可以喺「見解」內查看你嘅「宣傳個人檔案」表現 (粉紅色) 及 網店矚目表現 (深藍色)。
