[Hong Kong] Carousell「平台服務費」政策

邊類賣家需要支付平台服務費？

由2025年6月起，當「專業帳號」單月總收入達HK$7,000或以上，就需要繳交平台服務費，總收入包括透過「購買」按鈕完成嘅交易同來自聊天嘅交易，呢個政策將會豁免某些子類別——呢啲子類別嘅收入並唔會計入總收入。

獲豁免嘅子分類：

訂閱旋轉商店商務版嘅「專業帳號」將不受「平台服務費」政策約束。

請留意：如果你受到呢個政策影響，我哋將會透過電郵（域名係 @thecarousell.com）通知你。我哋絕對唔會喺電郵入面詢問你嘅密碼、付款資料或者個人資料。如果你收到呢類電郵，請勿回覆或點擊任何連結 - 立即向我哋報告

平台服務費係點樣計出嚟？

平台服務費係每單聊天交易收入嘅 2.5%，每筆交易最高收費係 HK$100。你可以去個人檔案頁面「我」 >「分析」度睇翻按單筆交易細分嘅預計月收入。

你喺當月訂閱 CarouBiz、購買旋轉金幣、賣家工具同刊登配額嘅支出金額將會抵銷該月嘅平台服務費。

範例計算：

• 你喺六月嘅交易收入：HK$7,000
• Carousell 平台服務費 (2.5%)：HK$175
• CarouBiz 訂閱計劃支出 (抵銷平台服務費)：HK$60
• 最終平台服務費：HK$115

備註：此費用僅適用於來自聊天嘅交易。

點解要收取呢項費用？

這筆費用可以幫助 Carousell 支援「專業賣家」更有效地使用客製化嘅銷售功能同程式，你可以預期呢啲工具可以提高你嘅工作效率、幫你增加銷售同增強你整個銷售體驗。

我可以選擇退出「平台服務費」政策嗎？

「平台服務費」政策適用於所有「專業帳號」，並不提供退出選項。不過你喺同一個月花費喺 CarouBiz、旋轉金幣、賣家工具或刊登配額上嘅任何支出都可以幫你抵消平台服務費。

又或者你可以升級至旋轉商店商務版，以豁免於呢個政策同享受額外福利。聯絡我們以了解更多資訊。

如果我想更新我嘅預計收入可以點做？

我哋係用人工智慧嚟估算你喺聊天交易中獲得嘅收入，我哋會定期審查呢啲演算法以確保準確性。你亦可以透過交易詳情頁面要求修改，我哋將會進行相應嘅審核。

如果交易取消咗，會點樣處理？

我哋只會對成功嘅交易收取平台服務費，如果交易被取消或退款，你可以提交修改金額嘅請求——我哋將會喺 2 個工作天內回覆。

如果我受政策影響，我要點樣付款？

由六月開始，如果你需要支付服務費，我哋將會向你發送發票，裡面將提供所有詳細資訊同付款說明。

如果我唔支付平台服務費會點樣？

不按時支付平台服務費嘅賣家喺 Carousell 上做銷售將會受到限制。