如果同我聯絡中嘅用戶帳號正被審視或限制權限，應該點做呢？
你可能會喺與該用戶嘅對話上見到一個橫幅「此用戶帳號有消費爭議正被審視」或者「此用戶帳號由於有未完成嘅交易，已被限制權限」。
咁代表咩呢？
- 賣家可能賣出一個產品，但買家不滿意
- 用戶買咗一個產品，但並未付款
我應該點做呢？
我哋強烈建議於消費爭議解決之後先繼續該交易。如果你需要繼續完成此交易，我哋建議你使用較為安全嘅交易方式，例如：面交。
如果你有正在進行中嘅交易（例如：已付款畀賣家）但你無法與買家聯絡，請盡快聯絡我哋。我哋星期一至星期日 10AM至9PM 提供即時對話（支援香港/馬來西亞/菲律賓/新加坡/台灣用戶）。點選頁面右下角嘅「即時對話」按鈕，即可同我哋開始對話。或者你亦可以向我哋提交表格，我哋都會提供協助！
一旦用戶解決消費爭議，此橫幅就唔會出現喺你哋嘅對話中。
關於更多如何喺旋轉拍賣安心買賣嘅內容，可參考這裡。