咩係分析圖表？
咩係「分析」圖表？
「分析」圖表提供有關你作為賣家嘅表現嘅寶貴數據以及你喺平台中嘅競爭對手嘅詳細分析，當中有3大部分：
- 競爭對手分析
- 訪問次數
- 網店矚目
競爭對手分析版面提供你嘅業務表現嘅詳細資料，顯示咗同你喺泵(Bump)、熱門推廣(Spotlight)同網店矚目(Shoutout)等賣家工具上嘅金幣支出相關嘅產品瀏覽總數*。佢仲會將你嘅表現同賣緊類似產品嘅競爭對手進行比較。你帳號中嘅的主導產品分類，係由擁有最高庫存價值*嘅已刊登產品嘅分類決定。
*產品瀏覽數量係指你喺主導產品分類中嘅產品所收到嘅點擊次數。
*最高庫存價值係指某一個產品分類內所有已刊登產品嘅總售價。例如，你喺「女裝」呢個產品分類有10件已刊登產品，每件產品售價各為$10；你亦喺「手提電話」呢個產品分類有1件已刊登產品，該件產品售價為$1000。咁樣，你嘅主導產品分類將會係「手提電話」呢個分類。
訪問次數版面顯示點擊並查看你個人檔案嘅人數。呢度顯示嘅係過去7日內嘅數據。
網店矚目版面顯示網店矚目嘅表現。你可以見到網店矚目嘅展示次數以及個人檔案或者分類收藏嘅點擊次數，具體取決於你嘅網店矚目類型。
我可以喺邊度搵到分析圖表？
App版本：
請先確保你係用緊最新嘅App版本。
- 進入「我」嘅個人頁面
- 撳「查看帳號表現」橫額
網頁版：
- 進入個人檔案頁面
- 撳產品瀏覽數量嗰部分
係咪所有用戶都有分析圖表呢個功能？
係嘅，所有用戶都可以透過呢個分析圖表查看訪問次數同網點矚目嘅資料。
不過，競爭對手分析呢部分仲係逐步推出緊，可能無法即時提供畀所有用戶。目前我哋正分階段推出，以確保穩定性並收集意見去進一步增強功能。
分析圖表提供嘅數據有幾準確？
競爭對手分析中嘅數據係從各個可靠來源收集而嚟嘅，並且定期更新以確保準確性。但係，請注意，所有分析工具都有一定嘅誤差範圍，唔一定絕對準確，僅供參考。