[香港] 一般產品分類最新刊登限額政策

由2023年5月2日起，所有賣家喺每個一般產品分類入面，每兩個月就會獲得新嘅免費刊登限額。刊登限額係指每兩個月你可以刊登新產品或者將產品標記為已刊登嘅數量。使用刊登限額嘅產品唔會過期。

產品分類刊登限額不可轉移，只可以喺相應嘅分類使用。

有咩新改變？

而家你可以更靈活咁刊登產品，更清楚了解每個分類嘅限額使用情況！

最新產品分類刊登限額政策只適用於一般產品分類，唔包括汽車、樓盤同埋服務分類。

2023年5月2日我嘅產品會點？

2023年5月2日前已經刊登嘅產品將繼續維持已刊登嘅狀態，除非產品被更改為已售出、已刪除或因審核原因而被移除。

假如我喺2023年5月2日之後仲有未使用嘅刊登限額會點樣？

喺2023年5月2日，不論你喺舊有嘅刊登限額及刊登費用政策使用咗幾多限額，所有產品分類嘅限額都將會重設至如上表所示嘅預設數量。

刊登限額係點樣更新？

（自2023年5月2日起）你嘅免費刊登限額將會喺每兩個月嘅同一日更新一次。你可以喺「管理產品」嘅頁面中查看限額嘅更新日期。

未使用嘅刊登限額可以累積嗎？

未使用嘅刊登限額唔可以累積。

如果免費嘅刊登限額未被使用，將會喺下一個更新日期，重設回原來嘅免費刊登限額數量。

如果付費嘅額外刊登限額未被使用，將會喺到期後移除，不能延長。

我可以將刊登限額轉移到其他分類嗎？

唔可以。每個刊登限額都係分配畀特定產品分類嘅，唔可以進行跨分類轉移。

如果為產品更改分類，會唔會用咗我嘅刊登限額？

冇錯，咁樣將會使用咗新分類嘅刊登限額，同時亦唔會退還產品舊分類嘅刊登限額。假如新產品分類中已經冇限額可用，該產品狀態就會被標記為隱藏。

如果我想刊登超出分配嘅限額數量嘅產品，可以點做？

你可以有兩種方法：

一、等到你嘅免費刊登限額每兩個月更新一次，或者

二、為個別分類購買「自訂刊登限額」，就可以即刻刊登額外嘅產品。

我嘅產品會過期嗎？

除非產品被更改為已售出、已刪除或被我哋團隊移除，否則你嘅產品唔會過期。

產品已刊登或者被隱藏，代表啲咩？

產品狀態可以係已刊登、隱藏、已保留或已售出。