咩係「自訂刊登限額」？點樣自動購買限額？
你可以根據需求，用旋轉金幣購買「自訂刊登限額」嚟增加一般產品分類嘅限額，更靈活咁刊登你嘅產品！你可以選擇只增加一個限額，或者以套餐形式增加5個、10個、20個、30個、40個或50個限額。每個套餐由購買日起計一年內有效。
*「自訂刊登限額」僅適用於新加坡及香港市場。你只可以自訂一般產品分類嘅限額（只適用於一般產品分類，唔包括汽車、樓盤同服務分類）。你喺汽車、樓盤同服務分類嘅限額將維持不變，更多資料請參考呢篇文章。
可以點樣查看我嘅刊登限額以及管理產品？
而家你可以更容易管理啦！只需要去到你嘅個人檔案（「我」嘅頁面），然後撳「管理產品」就可以睇到你嘅限額用量。你亦可以從呢個頁面一次過將你嘅產品標記為已刊登或隱藏。
我可以購買一個以上「自訂刊登限額」套餐嗎？
可以。無論任何時候，你嘅刊登限額等於以下兩者嘅總和：
- 免費嘅產品分類限額
- 於特定產品分類付費購買嘅「自訂刊登限額」套餐
你亦可以為特定分類設定自動購買刊登限額，以確保你唔會用完該分類嘅限額！ 只需要按照以下步驟：
- 進入「我」嘅頁面
- 撳「管理產品」
- 揀選你想設立自動購買限額嘅分類
- 撳「編輯」自動購買，並移動按鈕以確定你希望每次用完限額時自動購買幾多嘅限額
- 撳「更新」以儲存更改 完成之後，每當你用完限額，就會進行自動購買啦！
點解設定咗之後但又冇進行自動購買限額？
通常有兩種可能性：
一、你冇足夠嘅旋轉金幣去購買額外嘅限額。
二、你係喺用完限額之後先至設定自動購買。要成功進行自動購買，你需要喺用完限額之前就設定好自動購買。
自動購買成功
- 例子一：你喺名牌分類有5個免費刊登限額，而你喺用完第5個限額之前就已經設定自動購買。當你用完呢5個限額、嘗試刊登第6件名牌產品嘅時候就會自動購買限額。
- 例子二：你喺名牌分類有5個免費刊登限額，另外買咗2個「自訂刊登限額」，而你喺用完第7個限額之前就已經設定自動購買。當你用完呢7個限額、嘗試刊登第8件名牌產品嘅時候就會自動購買限額。
自動購買失敗
- 例子三：你喺名牌分類有5個免費刊登限額，而你喺用完第5個限額之後先設定自動購買。當你嘗試刊登第6件名牌產品嘅時候將唔會自動購買限額。
- 例子四：你喺名牌分類有5個免費刊登限額，另外買咗2個「自訂刊登限額」，而你喺用完第7個限額之後先設定自動購買。當你嘗試刊登第8件名牌產品嘅時候將唔會自動購買限額。
如果你係喺用完限額之後先至設定自動購買，要成功進行自動購買，你可以：
一、購買1個「自訂刊登限額」並用完該限額；或者
二、等到你嘅免費刊登限額更新並用完呢啲限額。
如果已刊登產品被標記為已售出/已刪除/隱藏，會否退還刊登限額？
刪除產品或將產品標記為已售出/已保留，並唔會退還已經使用咗嘅刊登限額。將產品由現時分類更新去另一個新分類，亦唔會退還喺舊分類已經使用咗嘅刊登限額。
每個「自訂刊登限額」嘅有效期係幾耐？
付費購買嘅刊登限額，由購買日起計一年內有效。
* 所有付費購買嘅「自訂刊登限額」都係不設退款嘅，歡迎根據自身銷售需求作出最合適嘅選擇！
當我嘅「自訂刊登限額」過期會點？
過期嘅「自訂刊登限額」將無法繼續使用，對於未使用嘅限額亦不設退款。
如果我已經訂閱旋轉商店 (Caroubiz)，但想轉用「自訂刊登限額」，可以點做？
旋轉商店同「自訂刊登限額」套餐並非互不兼容嘅賣家工具。旋轉商店以訂閱模式，提供一系列額外嘅星級工具協助發展業務；而「自訂刊登限額」套餐則以單次購買模式，為希望增加產品刊登限額嘅用戶提供靈活性。
如果你決定取消旋轉商店嘅訂閱、購買「自訂刊登限額」套餐，可以參考呢度了解點樣取消你嘅訂閱。請留意，取消訂閱並唔會按比例進行退款，但你可以繼續享受現有計劃嘅功能直至該計劃過期。