咩係「熱門推廣」(Spotlight)？
我哋希望透過將你嘅產品放喺「熱門推廣」位置，幫你快啲賣到你嘅產品！
「熱門推廣」係一個用作於平台上增加產品曝光率嘅宣傳工具。就如「熱門推廣」名稱所指，佢會將你嘅產品放喺熱門 位置！你嘅產品於搜尋結果上嘅各個分類固定置頂，或「你嘅每日精選」及「為你收藏推薦」部分，可以畀更多潛在買家見到。
你可以設定每日消費（根據想要嘅點擊數量）及整個「熱門推廣」嘅長短。當達到你設定嘅每日目標，「熱門推廣」就會暫停。
「熱門推廣」保證你只需為產品得到嘅「瀏覽次數」付費，而每個宣傳嘅費用取決於你嘅預算。越高嘅預算，我哋會盡量為你嘅產品爭取多啲「瀏覽次數」。
我點樣可以將我嘅產品放入「熱門推廣」？
- 喺你嘅個人檔案中選擇一個產品，然後撳「宣傳」
- 揀「熱門推廣」然後點擊「x金幣／點擊次數」
- 選擇你喜好嘅宣傳計劃，設定「點擊次數」，關鍵字及優先排列。你需要用旋轉金幣嚟購買嘅。
- 於版面最底點選「進行熱門推廣」完成整個流程！
於產品預覽查閱「點擊次數」及你嘅「熱門推廣」進度！
我嘅產品會喺「熱門推廣」留幾耐？
「熱門推廣」內嘅產品會根據你計劃設定嘅長短（3 － 30日），置頂直至達到設定嘅每日目標（或每日「瀏覽次數」）如果你嘅「熱門推廣」暫停咗，可能由於：
- 已經達到你為「熱門推廣」所設立嘅每日金幣上限
- 你嘅金幣結餘少於100個。請你增值你嘅旋轉金幣，然後你嘅「熱門推廣」就會自動恢復。
將產品狀態設定為「已出售」，「已保留」，「刪除」或更改分類的話，「熱門推廣」會立即停止。「已保留」嘅產品推廣會最多暫停24小時。於24小時內，重新上架產品就可以自動恢復推廣。24小時後，推廣就會停止。
我要點樣支付「熱門推廣」？
毋須安置一筆固定數量旋轉金幣支付「熱門推廣」後，再等待退回未使用嘅金幣。賣家只需要於產品收到點擊後支付金幣。當你嘅產品得到點擊，金幣會每日從你嘅結餘中扣除。你只需要於帳號有至少20金幣就可以開始「熱門推廣」！
我搵唔到使用咗嘅「熱門推廣」嘅產品！邊度可以搵到？
唔駛擔心！產品嘅出現係基於與每位用戶嘅關連及你所設立嘅點擊率及優先排列所決定，係為每位用戶特定。因此，你有可能唔會喺你嘅搜尋結果中見到你嘅產品。如果想檢查「熱門推廣」嘅表現，可以去到產品預覽查閱。
「查看數據」下嘅熱門推廣預覽或產品預覽亦可查閱。
點解我推廣緊嘅產品冇「熱門推廣」標示？
只有當產品出現喺「熱門推廣」嘅專屬位置，先會顯示有「熱門推廣」嘅標示。
當產品出現喺「熱門推廣」嘅專屬位置，我哋先會扣除金幣。如果喺瀏覽階段入面，你嘅產品並無被安排到被推廣，就會好似一般產品咁顯示，唔會有「熱門推廣」嘅標示。
如果我將「熱門推廣」緊嘅產品標記為「已保留」，會點呢？
如果你將該產品標記為已保留，「熱門推廣」會最多暫停24小時。如果你喺24小時內取消保留產品，你嘅產品就會自動放返入「熱門推廣」！
我點知我嘅產品係咪已經「熱門推廣」緊呢？
你可以於產品內或產品預覽中，查閱你嘅產品係咪已經「熱門推廣」緊。
「點擊次數」同「曝光量」有咩分別？
當用戶瀏覽分類或搜尋結果時，佢哋唔一定會撳入產品內。當佢哋碌過一件產品，咁就算係一個「曝光量」。當佢哋撳入產品睇多啲資料，咁就算係一個「點擊次數」。
用戶需要點入使用「熱門推廣」產品先會計算為一個「點擊次數」。另外，每個點擊係唯一嘅；即係話如果同一個用戶點入產品兩次，亦只會當一個點擊次數。
「熱門推廣」係咪保證產品可以成功賣出？
「熱門推廣」可以幫你產品增加更多曝光率，但係我哋無辦法保證「熱門推廣」能帶嚟讚好、私訊或出價。想確保你嘅「熱門推廣」出嚟嘅效果更好，可以將佢用喺有高質量嘅產品上。
「熱門推廣」同「泵」有咩分別？
「熱門推廣」同「泵」都可以改善產品曝光率，但佢哋嘅用法唔一樣。
「熱門推廣」保證你只需要為產品於計劃期間得到嘅「瀏覽次數」付費。
「泵」會喺短時間中推你嘅產品至分類最高，而無論得到幾多個「瀏覽次數」，價錢都係一樣。每個泵咗嘅產品表現會根據產品嘅需求及質素。 由我哋嘅觀察所得，賣家可以得到比普通產品平均多 2 - 4 倍多嘅瀏覽次數，因應使用唔同嘅「泵」。
你可以於產品使用「熱門推廣」時同時使用「泵」。熱門推廣」會與「泵」分開獨立運作。兩項嘅產品預覽唔唔一樣，以及可以分開顯示每項功能嘅表現。請放心，於泵得到嘅瀏覽次數係唔會計算在「熱門推廣」內。
「產品優先順序」
「優先順序」係指賣家可以付費增加機會，當買家搜索和瀏覽相關項目或服務時，令產品顯示喺更突出嘅位置。熱門推廣嘅位置有限，使用優先順序嘅賣家會有更大機會得到熱門推廣位置。
但係，推廣位置仍會有其他考量因素，例如產品關聯度。當有兩個於同一分類並相同關聯度嘅熱門推廣同時進行中，只有於此情況下，使用「優先順序」嘅熱門推廣將會較無使用嘅推廣排序優先。
例子：如果一位買家搜尋 iPhone X, 兩個產品名稱為iPhone X嘅「熱門推廣」將會於爭取搜尋結局上比較突出嘅位置。優先順序嘅熱門推廣將會較先顯示。
點解我需要付費使用「優先順序」？
「優先順序」會將你嘅熱門推廣放喺比其他類似嘅推廣更突出嘅位置，咁樣可以為產品帶來多啲點擊率，比同分類中其他賣家有更好嘅表現及成功嘅推廣。
如果我無使用「優先順序」，我嘅推廣係咪會有唔好嘅表現？
唔係。你嘅熱門推廣會顯示於相關嘅搜尋及瀏覽結果。我哋希望達致100%嘅每日目標。你嘅推廣表現並唔會受影響。「優先順序」係為限定時間需要得到更多曝光率及點擊率嘅賣家嘅功能 。
我可唔可以睇到競爭者所付嘅費用？
可以。於「優先順序」設立頁面，你可以見到整體競爭者於分類中所付「優先順序」嘅費用，但就唔會見到個別用戶所付嘅費用。
如果其他賣家所付嘅順序一樣，邊一個會被優先？
如果所有賣家所付嘅順序一樣，咁所有嘅產品會有同樣順序。因此我哋會顯示分類嘅平均順序，咁賣家可以好好運用佢哋嘅熱門推廣。我哋建議賣家於分類使用至少25%嘅推廣以上。
-----------------------------------
重點關鍵字
買家通常都會搜尋佢哋想瀏覽或購買嘅產品。作為賣家，你應該會希望放某幾個關鍵字於產品名稱及產品描述上，希望可以於關鍵字搜尋結果上出現於顯眼嘅位置。「重點關鍵字」可以幫到你！你可以付費選擇幾個你想重點推廣嘅關鍵字，而你嘅產品就會出現喺關鍵字搜尋結果上。
備註: 不適用於菲律賓
我可唔可以使用自訂嘅「重點關鍵字」?
唔可以，關鍵字會根據你嘅產品資料自動衍生，以及會根據我哋嘅推薦排列，你只可以於推薦關鍵字列表中選擇。
我點知我嘅熱門推廣有冇喺「重點關鍵字」顯示？
你可以於產品概覽上檢查重點關鍵字嘅點擊率。
如果我選擇一個「重點關鍵字」，熱門推廣係咪只會顯示喺嗰個關鍵字上？
唔係。「重點關鍵字」會幫你嘅產品得到更好嘅表現，你本來嘅「熱門推廣」並唔會受到影響。「重點關鍵字」係為於限定關鍵字需要得到更多曝光率及點擊率嘅賣家嘅功能 。
可唔可以同時使用「優先順序」及「重點關鍵字」？咁會如何收費？
可以，你可以同時使用「優先順序」及「重點關鍵字」。根據「熱門推廣」及「優先順序」設立嘅每日目標，「重點關鍵字」會喺足夠支付每個關鍵字收費嘅金幣下一直運作。