咩係旋轉金幣? – 香港旋轉拍賣幫助中心

旋轉金幣可以用作購買賣家工具，例如：泵、熱門推廣同網店矚目，以推廣你嘅產品；亦可用作支付刊登產品費用或購買自訂刊登限額，以刊登更多產品。

備註：旋轉金幣只限於新加坡，菲律賓，馬來西亞，台灣及香港平台。

好簡單：用錢買旋轉金幣，然後再用金幣買泵、熱門推廣，或者支付刊登費用。

旋轉金幣可以用作購買使用Carousell上嘅功能，好似泵、熱門推廣，同埋支付刊登費用，但就唔可以使用旋轉金幣購買平台上嘅產品或服務。

請留意，於該地方市場上購買嘅旋轉金幣只可以喺該地方上使用。如：喺香港購買嘅旋轉金幣只可以用喺香港平台嘅產品上。

暫時可以透過我哋Carousell嘅iOS app 或者 Android app 應用程式內購買；或與網頁版上使用信用卡購買。

你可以喺你嘅個人頁面檢查旋轉金幣結餘，就喺「金幣」一欄。

你亦可以於旋轉金幣結餘處，按下「記錄」檢視旋轉金幣使用記錄。

唔可以，旋轉金幣係不設退款，當購買後就唔可以轉返咗錢架啦。

唔可以，旋轉金幣係不能轉讓嘅。