點樣聯絡Carousell官方客服團隊？
喺Carousell，解決問題係我哋嘅核心價值
我哋希望Carousell 用戶得到迅速同有效嘅支援。如果你仲未睇過我哋幫助中心嘅文章，我哋建議你可以先喺幫助中心快速搜尋，睇下可唔可以搵到你需要嘅幫助！
如果你需要更多協助，歡迎同我哋對話！我哋星期一至星期日 10AM至9PM 提供即時對話（支援香港/馬來西亞/菲律賓/新加坡/台灣用戶）。點選頁面右下角嘅「即時對話」按鈕**，即可同我哋開始對話。或者你亦可以向我哋提交表格，我哋都會提供協助！
** 請檢查你嘅瀏覽器是否啟用咗任何廣告攔截擴充功能，因為它可能會阻止顯示該對話按鈕。
為咗確保所有Carousell用戶體驗到最好嘅支援，我哋有以下嘅小貼士能夠儘快解决你嘅問題：
- 如果你使用App嘅時候遇到技術問題，請確保你嘅Carosuell App已經更新至最新嘅版本，以及嘗試進行基本嘅疑難解決步驟。
- 如果你經常見到錯誤訊息，請你喺報告相關問題嘅時候，提供用戶名、Carousell App嘅版本以及裝置型號。
- 如果你同買家/賣家有交易問題，請你嘅報告相關事件嘅時候，提供事件詳情、雙方用戶名以及有關嘅產品名稱。
- 如果你喺平台上見到違反產品守則嘅產品，你可以檢舉產品。
- 如果你對於我哋嘅服務有任何嘅意見/建議，我們好希望聆聽你嘅諗法，以便協助我哋解決問題、不斷改進Carousell。