對話期間，顯示對方帳號已停權，應該點做呢？
如果你喺同其他用戶嘅對話內，見到一個黑色橫額「呢位用戶已經被停用」（如下圖所示），咁樣代表對方嘅帳號已經被停用，有可能係該用戶喺平台上嘅行為可能涉及違反旋轉拍賣細則，其中包括售賣違禁品甚至濫用平台等。
我哋強烈建議你唔好再繼續同對方進行交易。如果你作為買家尚未轉賬畀對方、或者作為賣家尚未寄出產品畀對方，請暫停交易直至問題解決，唔好心急完成交易。
另外，如果你哋之前曾經交換電話號碼或有其他聯絡方法，除非真係十分必要，你或者可以嘗試聯絡用戶。
如果你同該用戶已經有交易但尚未完成，並且無法聯絡到佢，請通過即時對話或提交表格同我哋團隊聯絡。我哋星期一至星期日 10AM至9PM 提供即時對話（支援香港/馬來西亞/菲律賓/新加坡/台灣用戶）。點選頁面右下角嘅「即時對話」按鈕，即可同我哋開始對話。